Тошкентда ОТМга кириш тести кунлари соат эрталабки 5 дан автобус қатнови йўлга қўйилади — рўйхат

“Тошшаҳартрансхизмат” АЖ кириш имтиҳонлари ўтказиладиган жой яқинида қайси жамоат транспорти йўналишлари ҳаракатланишини маълум қилди.

“Тошшаҳартрансхизмат” АЖ Матбуот хизматининг хабарига кўра, жорий йилнинг 1 авгут кунидан 13 август кунига қадар 2023-2024 ўқув йили учун Тошкент шаҳридаги бир нечта манзилларда тест синовлари ўтказилиши муносабати билан ушбу манзиллар орқали ҳаракатланувчи шаҳар жамоат транспорти йўналишларининг ҳаракати соат 05:00 дан ташкил этилади.

Тест синовлари ўтказиладиган манзиллар орқали ҳаракатланувчи шаҳар жамоат транспорти йўналишлари (19, 50, 63, 115, 85, 88, 152, 24, 51, 67, 91, 93, 95, 140, 2, 38, 89, 136, 44, 68, 155, 17, 58, 60, 76, 53, 64, 65, 141, 196, 133м ва 28м) билан ушбу суратда батафсил танишишингиз мумкин.