Бугун президент тадбиркорлар билан учрашади
Учрашувда тадбиркорларнинг муаммоларини ечиш бўйича ташаббуслар илгари сурилади ва тадбиркорларга давлат мукофотлари топширилади.
Қайд этилишича, учрашувга иқтисодиётнинг турли тармоқларида фаолият юритаётган бизнес вакиллари таклиф этилган.
Давлат раҳбари тадбиркорлик фаолиятини кенгайтириш ва янги лойиҳаларни амалга ошириш учун янада қулай шароитлар яратиш, тадбиркорликни ривожлантиришга тўсиқ бўлаётган муаммоларни бартараф этиш бўйича муҳим ташаббусларни илгари суриши кутилмоқда.
Шунингдек, тадбир доирасида фаол тадбиркорларга давлат мукофотларини топшириш маросими бўлиб ўтади.