Россиянинг "UVT AERO" авиакомпанияси Ўзбекистонга парвозларни йўлга қўймоқда

Мазкур авиакомпания мунтазам авиақатновларни амалга ошириш учун рухсатнома олди.

Жорий йилнинг 17 август куни «Ўзавиация» агентлиги томонидан «UVT AERO» авиакомпаниясига мунтазам парвозларни амалга ошириш учун эксплуатацион рухсатнома берилган. Ушбу рухсатнома «Ўзбекистон ва Россия федерацияси ўртасидаги ҳаво қатнови тўғрисида»ги ҳукуматлараро Битим асосида берилган.

Эндиликда парвозлар Ўзбекистонга «Қозон – Тошкент – Қозон» йўналишида йўлга қўйилади.

Таъкидланишича, авиакомпания парвозларни CРЖ — 200 русумли ҳаво кемаларида амалга оширади.