Мустақиллик байрамида ўзбекистонликлар кетма-кет 3 кун дам олишади

Президент фармонига мувофиқ байрам арафасидаги дам олиш кунлари санаси маълум қилинди.

2023 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисидаги президент фармонига мувофиқ ўзбекистонликлар учун Мустақиллик байрамида кетма-кет уч кун дам олиш куни бўлади.

Иш ҳафтасидан қатъий назар дам олиш кунлари қуйидагича:

1 сентябрь — жума, Мустақиллик куни (байрам сифатида дам олиш куни);

2 сентябрь — шанба, президент фармонига мувофиқ қўшимча дам олиш куни;

3 сентябрь — якшанба, одатий дам олиш куни.