Сирдарёнинг Қозоғистондан оқиб ўтувчи қисмида 11 киши чўкиб кетди

Сузишга келган кишидан 11 нафари чўкиб кетган. Улар орасида ёш болалар ҳам бор.

Қайд этилишича, вилоят ҳокимлигига 21 август куни соат 18:00 атрофида аҳолидан одамлар сувга чўкиб кетгани ҳақида хабар келиб тушган. Сузишга келган 4 оиланинг 20 нафар аъзосидан 11 нафари чўкиб кетган. Улар орасида беш нафар ёш болалар бўлган.

«Бу жой сузиш учун мўлжалланмаган. Қирғоқ жуда сирпанчиқ ва чуқурлик дарҳол бошланади. Афтидан, бири қоқилиб, чўкиб кета бошлаган, бошқалари эса уни тортиб олишга уринган. Натижада, чўкиб кетишган», — дейилади Туркистон вилояти ҳокимлиги Матбуот хизмати хабарида.

Ҳозирда сувдан 8 кишининг жасади чиқарилган, қолганларини қидириш ишлари давом этмоқда.

Воқеа жойида вилоят Фавқулодда вазиятлар бошқармаси ҳузурида тезкор штаб тузилган. Ўтирор тумани ҳокимлиги, вилоят фавқулодда вазиятлар, ўрмон хўжалиги бошқармалари ходимлари ҳамда кўнгиллилар жўнатилиб, зудлик билан қидирув ишларини бошлаб юборилган.