Фарғонадаги корхонада чангдан брикетлар ишлаб чиқарилмоқда
Қайд этилишича, текстил корхонасида ҳосил бўлган чанг-газлари атмосферага чиқариб юборилмайди.
Маълум қилинишича, корхонага ўрнатилган замонавий ва энг сўнгги технологиялар чанг-газларни атмосферага чиқариб юбормасдан, махсус қурилмаларда ушлаб қолади. Тўпланган чанг қайта ишланиб, брикет қилинади. Натижада, корхонанинг экологияга бўлган таъсири ҳам камаяди.
Корхонанинг том қисмида ҳосил бўлган ёмғир ва қор сувлари шунчаки оқизиб юборилмайди, балки махсус идишларда тўпланади ва тўпланган сув фильтрдан ўтказилгандан сўнг ҳудуддаги ободонлаштириш ишлари ва дарахтларни суғоришга сарфланади.
Маълумот учун, корхонада энг яхши ип-калава, кулранг ва бўялган трикотаж матоларни ишлаб чиқариш билан бирга пахта етиштириш ва уни қайта ишлашнинг тўлиқ жараёни йўлга қўйилган.