Бир ойда қандай қилиб $10 минг топишни ўргатган бизнес тренер қидирувга берилди — видео

Халқ орасида сохта тренер дея танқидларга учраган бухоролик Ислом Иброҳимов фирибгарликда айбланиб, қидирилмоқда.

ИИВ вазирлигининг расмий веб-cайтида Иброҳимов Ислом Икром ўғлининг қидирувга берилгани хабар қилинган.

“Қуйидаги шахс ҳақида маълумотга эга бўлсангиз 102 ёки 1102 рақамига мурожаат қилишингизни сўраймиз”, — дейилади хабарда.

Иброҳимов Ислом Жиноят кодексининг 168-моддаси 4-қисми «а» банди билан айбланган.

Мазкур моддага кўра, БҲМнинг 400 бараваридан 600 бараваригача миқдорда жарима ёки 8 йилдан 10 йилгача озодликдан маҳрум қилиш жазоси белгиланган.

Ислом Иброҳимов Business Invest номи билан бизнесга ўргатувчи марказ очиб, тадбиркорларга бизнесни ривожлантиришни ўргатиш билан шуғулланган. Шунингдек, YouTube'даги саҳифаси орқали турли мотивацион видеолари билан танилган.

Аммо, Subyektiv лойиҳасининг сохта бизнес-тренерлар ҳақидаги сонидан сўнг, Ислом Иброҳимовнинг чиқишлари одамлар орасида кенг танқидларга учради.