Ўзбекистонлик эркак Россияга ички кийимида яширилган 60 дан ортиқ олмосни олиб ўтмоқчи бўлган

Ҳамюртларимиз Ўзбекистон ва бошқа давлатларга контрабанда йўли қимматбаҳо буюмларни олиб ўтишга уринишлари одатий ҳолга айланган. Аммо, бу галги уриниш ўзининг ноанъанавийлиги билан ажралиб туради. Ўзбекистонлик фуқаро Россияга ички кийимида яширилган 60 дан ортиқ олмосни олиб ўтмоқчи бўлган. Бу ҳақда Россия ОАВга ҳавола қилган ҳолда мухбиримиз хабар бермоқда.

Божхоначилар БААдан учиб келган авиакомпаниялардан бирининг ходими бўлган Ўзбекистон фуқаросини яшил йўлакда тўхтатишган. Эркак текширувдан осонгина ўтишни режалаштирган ва жуда кўп қимматбаҳо нарсаларни декларация қилмаган. Жумладан, ички кийимда яширинган 5 миллион рублга тенг бўлган 60 та олмос, шунингдек, 13 та айфон, айпадлар бошқа гаджетлар топилган. Ҳуқубузарнинг айтишича, шунча нарсани у совға тариқасида яқинларига олиб бораётган эмиш.

Йўловчи БААнинг йирик авиакомпанияларидан бирида ишлаши ва Россия божхона қоидаларини яхши билмаслигини айтган. Унинг сўзларига кўра, у дўстлари ва қариндошларига совғалар олиб келган ва буларнинг барчаси 17 минг доллардан ошмаслигига амин бўлган.

Ҳозирда унга қарши жиноий иш қўзғатилган ва у 7 йилгача қамоқ жазосига ҳукм қилиниши мумкин.