Экологлар Андижон йўлини ахлатхонага айлантирган фуқаролар шахсини аниқлаштирмоқда. Видео

Экология вазирлиги томонидан тарқатилган видеони кўриб туриб, давлатимизда маданият ва саводхонлик даражаси нақадар тубанлашганини англайсиз. Видеода маълум бўлишича, бир нечта андижонликлар ахлатхонагача бўлган қисқа масофани босиб ўтишга эриниб, ахлатни йўл ёқасига ташлаб кетишган. Бу ҳақда мухбиримиз хабар бермоқда.

Коммунал хизмати вакиллари айнан мазкур чорраҳани мунтазам тозалашади, аммо қайта-қайта ахлатхона юзага келади. Бу билан курашиш учун Экология вазирлиги кузатув камераларини ўрнатиб, ахлат ташайдиганларни қайд қилган. Улар орасида нафақат катталар, балким болалар ҳам бор.

Айни пайтда кузатув камералари тасвирига тушиб қолган 30 нафар фуқаронинг шахси аниқланмоқда.

Белгиланмаган жойга ахлат ташаш учун жисмоний шахсларга 330 минг сўмдан 990 минг сўмгача жарима тайинланади.