Шаҳрам Ғиёсов 2024 йилнинг февраль ойида рингга қайтади

Ўзбекистонлик профессионал боксчи Шаҳрам Ғиёсов (14-0-0) 2024 йилда чемпионлик камари учун жанг қилмоқчилигини айтиб ўтди.

“Ҳар доим жангга тайёрмиз. Навбатдаги жангимнинг аниқ санаси маълум эмас. Лекин февраль ойида рингга кўтарилишим ҳақиқатга яқинроқ.

Жангга тайёргарлик кўриш учун 7 январь куни АҚШга учиб кетаман. Жорий йилда битта жанг ўтказдим. Кейинги йил чемпионлик камари учун рингга кўтариламан. Асосий мақсадим шу”, — дейди Шаҳрам.

Эслатиб ўтамиз, Шаҳрам Ғиёсов сўнгги жангини июнь ойида америкалик Ҳаролд Калдеронга қарши ўтказиб, очколар ҳисоби билан ғолиб бўлганди.

Манба: daryo.uz