Бокс. Энтони Жошуа Отто Валлинни муддатидан олдин мағлуб этди

Саудия Арабистонининг Ар-Риёд шаҳрида 23 декабрь тунида бокс оқшоми бўлиб ўтди. Оқшомнинг асосий жанги Энтони Жошуа ҳамда Отто Валлин ўртасида кечди.

Бешта раундда устунлик қилган Жошуа Валлин устидан техник нокаут эвазига ғалаба қозонди. Оттонинг бурчаги бешинчи раунддан сўнг жангни давом эттирмаслигини билдирди.

Энтони Олександр Усикка қарши иккита жангдаги мағлубиятдан сўнг кетма-кет учинчи жангида муваффақиятга эришмоқда.

Шунингдек, 23 декабрь кунги бокс оқшомида Дмитрий Бивол Линдон Артурни мағлуб этди, Жозеф Паркер эса ҳакамлар қарорига кўра Деонтей Уайлдердан устун келди.

Манба: daryo.uz