АҚШ Консуллик бўлими ноиммиграцион визалар учун суҳбат ўринларини қайта очди

Келгуси йилнинг ноябрь ойидан январь ойигача бўлган суҳбатларга рўйхатдан ўтиш учун 600 дан ортиқ ўрин ажратилади.

АҚШ Консуллик бўлими 28 сентябрь, чоршанба куни маҳаллий вақт билан соат 18:00 да 600 дан ортиқ ноиммиграцион визалар учун суҳбат ўринлари очади.

Суҳбат ўринлари фақат Ўзбекистон фуқаролари ва резидентлари учун бўлиб, ноябрь ойидан январь (2023) ойигача бўлган кунлар учун очилади. Суҳбат ўринларини эгаллаш фақат онлайн тизим орқали амалга оширилади.

Суҳбат белгилаш учун аввал онлайн анкета DS — 160 формани тўлдириш ва штрих-код рақамига эга бўлиш лозим.