[ sport ] 6 Yanvar 2024
Теннис. Надаль Томпсонга ютқазиб, Брисбендаги турнирнинг ярим финалига чиқа олмади
«Катта Дубулға»нинг 22 карра ғолиби чорак финалда мезбон Жордан Томпсонга 5:7, 7:6 (8:6), 6:3 ҳисобида имкониятни бой берди. Ўйин 3 соат 26 дақиқа давом этди.
37 ёшли Надаль яқинда жиддий жароҳатини даволаб, кортга қайтди. Испаниялик теннисчи ATP рейтингида 672-ўринни эгаллаб турибди. 29 ёшли Томпсон 55-ўринда.
Австралияликнинг навбатдаги рақиби болгариялик Григор Димитров бўлади.
Турнирнинг соврин жамғармаси 660 минг долларни ташкил қилади.