Australian Open. Нигина Абдураимова саралаш босқичини муваффақиятли бошлади

Теннис бўйича Ўзбекистон терма жамоаси аъзоси Нигина Абдураимова Австралия очиқ чемпионатининг («Australian Open») саралаш босқичини муваффақиятли бошлади.

Ҳамюртимиз дастлабки даврада Токио — 2020 Олимпиадаси совриндори, бразилиялик Лаура Пигосси устидан ғалаба қозонди. Уч сет давом этган ўйин Нигинанинг 7:5, 5:7 ва 6:0 ҳисобларидаги ғалабаси билан якунланди.

Энди Абдураимова эртага Тошкент вақти билан соат 04:00 да чехиялик Доминика Шалковага қарши кортга чиқади. Маълумот учун, айни пайтда юртдошимиз жаҳон тасниф жадвалида 212, Шалкова эса 218-ўринни банд этиб турибди.

Манба: olympic.uz