[ sport ] 20 Yanvar 2024
Tata Steel Chess 2024. Нодирбек Абдусатторов 7-турда мусобақанинг амалдаги чемпионини енгиб, пешқадамга айланди
Турнирнинг Мастерс гуруҳида иштирок этаётган ўзбекистонлик гроссмейстер Нодирбек Абдусатторов 7-турда нидерландиялик Аниш Гирига қарши оқ доналарда ўйнади. Нақ 6 соат давом этган ўйинда ҳамюртимиз муҳим ғалабани қўлга киритди.
Абдусатторов бугун юқори аниқликда ўйнадики, у рақибнинг кичик ноаниқ юришларидан сўнг устунликни қўлга олди ва тахминан 30-юришлардан бошлаб рақибни мағлубият бурчагига сиқиб борди. 60-юришга келиб Гири мағлубиятни тан олди.
Tata Steel Chess — 2023да Абдусатторов энг сўнгги турда Анишни олдинга ўтказиб юбориб, чемпионликдан маҳрум бўлганди. Нодирбек бугунги ғалабадан сўнг ўз очколарини 4,5 тага етказиб, пешқадамга айланди.
Ҳамюртимиз 8-турда россиялик Ян Непомняшчийга қарши қора доналарда ўйнайди.
Манба: stadion.uz