Бокс. Бугун 4 нафар ҳамюртимиз рингга кўтарилади
Улардан дастлаб, мусобақадаги илк учрашувини — 57 кг вазнда баҳс олиб борадиган вакиламиз Ситора Турдибекова финляндиялик Вилма Витаненга қарши ўтказади. Жанг тахминан Тошкент вақти билан 20:30 да бўлиб ўтади.
Иккинчи баҳсда эса — 71 кг вазнда ғалабали одимлаётган боксчимиз Асадхўжа Мўйдинхўжаев германиялик Магомед Элим Счачидовга қарши баҳс олиб боради. Ушбу жанг эса Тошкент вақти билан 21:45 дан бошлаб старт олади.
Лазизбек Мулложонов ҳам бугун рингга кўтарилади. — 92 кг вазнда Олимпияда ўйинлари йўлланмаси учун курашаётган боксчимиз турнирдаги дастлабки баҳсини литвалик Дариус Воиснаровичга қарши олиб боради. Жанг Тошкент вақти билан 22:30 да бошланади.
Вакилларимиз иштирокидаги сўнги баҳсни эса Руслан Абдуллаев якунлаб беради. — 63,5 кг вазнда рингга кўтарилаётган боксчимизнинг бу сафарги рақиби Пуэрто-Рико вакили Хосе Адриел Диас Родригес бўлади. Ушбу жангни эса Тошкент вақти билан 00:45 дан бошлаб кузатиб боришингиз мумкин.
7 март куни жанг қиладиган ўзбекстонлик боксчилар:
— 57 кг. Ситора Турдибекова — Вилма Витанен (Финляндия) — 20:30.
— 71 кг. Асадхўжа Мўйдинхўжаев — Магомед Элим Счачидов (Германия) — 21:45.
— 92 кг. Лазизбек Мулложонов — Дариус Воиснарович (Литва) — 22:30.
— 63.5 кг. Руслан Абдуллаев — Хосе Адриел Диас Родригес (Пуэрто-Рико) — 00:45.
Манба: https://t.me/boxinguzbekistan