UFC президенти Дана Уайт россиялик жангчи Ислом Махачевнинг UFC 302 турнирида Дастин Порье билан дуелдаги ғалабасидан сўнг матбуот анжуманида иштирок этди. У биринчи рақамли pound-for-pound рейтинги (вазн тоифасидан қатъий назар энг яхши жангчи) ҳақида гапирди. "Ислом - барча даврларнинг энг буюк жангчиларидан бири, аммо Жон Жонс фаол бўлиб қолаверар экан, мен уни pound-for-pound бўйича биринчи рақамли деб биламан", деди Уайт тадбирдан кейинги матбуот анжуманида.
Енгил вазн тоифасида UFC чемпиони россиялик Ислом Махачев UFC 302 турнирида америкалик Дастин Порье устидан қозонилган ғалабадан сўнг мухлисларга хабар ёзди. “Ҳаммага салом!
Бокс бўйича Ўзбекистон аёллар терма жамоаси аъзоси Навбаҳор Ҳамидова (-66 кг) Таиландда якунига етаётган Париж-2024 жаҳон литсензион турнирида муваффақиятли қатнашиб, 4 йилликнинг энг нуфузли мусобақаси иштирокчисига айланди. Юртдошимиз ҳал қилувчи баҳсда сербиялик Кристина Кулуховадан устун келди.
UFC собиқ чемпиони Хабиб Нурмагомедов Ислом Махачев ва Дастин Порье ўртасидаги жангдан сўнг америкалик ММАчига яқинлашиб, унга жанг учун миннатдорчилик билдирди. Енгил вазндаги жанг бешинчи раундда Махачевнинг ғалабаси билан якунланди.
Россиялик жангчи Ислом Махачев UFC 302'нинг асосий жангида америкалик Дастин Порьени мағлуб этди. У учинчи марта енгил вазн тоифасида чемпионлик камарини ҳимоя қилди.
Россиялик Ислом Махачев UFC 302 турнирининг асосий жангида америкалик Дастин Порьени мағлуб этди. Жанг бешинчи раундда Махачевнинг бўғиш усулида ғалаба қозониши билан якунланди.
Шоҳруҳ Давлатов ва Екатерина Тунгусковага BYD машиналари тақдим этилди. Жорий йилнинг 21-апрель куни пойтахтимиз мезбонлик қилган Тошкент ВИ халқаро марафонида ҳамюртларимиз Шоҳруҳ Давлатов ва Екатерина Тунгускова бош соврин – БЙД машинасини ютиб олишган эди.
Супер ярим ўрта вазн тоифасидаги ўзбекистонлик профессионал боксчи Қудратилло Абдуқаҳҳоров (20-3-0) АҚШнинг Техас штатида навбатдаги жангини ўтказди.Унга Гран-при кўринишидаги ОТХ турнирининг 1/4 финалида грециялик Андрес Кацуракис (13-0-0) рақиблик қилди.
Бокс афсонаси Майк Тайсоннинг блогер-боксчи Жейк Полга қарши жанги бошқа муддатга қолдирилди. Ушбу жанг 20 июль куни АҚШда ўтказилиши керак эди.
Боксчимиз Навбаҳор Ҳамидова Париж-2024 ёзги Олимпия ўйинларининг йўлланмаси сари яна бир катта қадам ташлади. Таиландда бўлиб ўтаётган лицензион мусобақанинг -66 кг вазн тоифасида иштирок этаётган юртдошимиз учинчи босқичда жанубий кореялик Сужин Сеонни мағлубиятга учратиб, чорак финал йўлланмасини қўлга киритди.
Бирлашган кураш дунёси (UWW) Париж-2024 ёзги Олимпия ўйинларида ишлайдиган ҳакамлар номини маълум қилди. Қувонарлиси, улар орасида ўзбекистонлик мутахассис Эшпўлат Ҳидоятов ҳам бор.
Иккинчи ўрта вазн тоифасида мутлақ жаҳон чемпиони Сауль Альварес IBF камаридан воз кечишни режалаштиряпти. Маълум бўлишича, ташкилот мексикалик боксчига мажбурий даъвогар Уильям Скалл билан ҳимоя жангини ўтказиш учун буйруқ берган.
Супероғир вазнда мутлақ жаҳон чемпиони Александр Усик ҳамда собиқ WBC чемпиони Тайсон Фьюри ўртасида реванш жанги ўтказилади. Томонлар биринчи жанг шартномасида ёзилган реванш ҳақидаги банддан фойдаланишган.
IBA расмий сайтида хабар қилинишича, Париж-2024 Олимпия ўйинларининг бокс беллашувлари учун соврин жамғармаси 3,1 миллион доллардан ортиқ бўлиб, 100 дан ортиқ боксчилар ўртасида тақсимланиши режалаштирилган. Олтин медални қўлга киритган спортчи 50 000 доллар олиши белгиланди, унинг миллий федерацияси ва мураббийи 25 000 доллардан ишлаб олади.
Тошкент вилоятининг Бўстонлиқ туманида велошоссе бўйича “Tour of Bostonliq Ladies" баҳслари якунига етди. 3 босқичдан иборат бўлган қизиқарли пойга якунида ҳамюртимиз Янина Кускова ғалаба қозонишга муваффақ бўлди.
Майамидан Лос-Анжелес шаҳрига учган бокс афсонасини фавқулодда госпиталга олиб кетишга тўғри келди. Гувоҳларнинг айтишича, самолёт қўнишига ярим соатдан кўпроқ вақт қолган бир пайтда бортда шифокор борми деган эълон янгради.
Жаҳон чемпиони Исроил Мадримов Теренс Кроуфoрд билан бўладиган жангига сўнгги тайёргарлик машғулотларини ўтказиш учун АҚШга йўл олганди. Чарм қўлқоп устамиз Лос-Анжелес шаҳрига етиб борди.
Франциялик теннисчи, дунёнинг 121-ракеткаси Теренс Атманн 26 май, якшанба куни “Ролан Гаррос-2024”нинг беш сетлик биринчи давра баҳсида ATP рейтингининг 45-рақами, австриялик Себастьян Офнерга ютқазди – 6:3, 6:4, 6:7, 2:6, 5:7.Учрашув давомида Атман хатоларини жуда оғир қабул қилди ва кўп асабийлашди. Ўйиннинг бир вазиятида у тўп билан томошабинга зарба берди.
Жорий йилнинг 17-25 май кунлари Япониянинг Кобе шаҳри мезбонлик қилган пара енгил атлетика бўйича жаҳон чемпионатида муваффақиятли иштирок этиб, 103 мамлакат орасида 3-ўринни эгаллаган терма жамоамиз аъзолари бугун юртимизга қайтиб келишди. Матонатли пара атлетларимиз Тошкент халқаро аэропортида Ўзбекистон Республикаси Спорт вазирлиги ҳамда Ўзбекистон Миллий паралимпия қўмитаси раҳбарияти, оммавий ахборот воситалари ходимлари, кенг жамоатчилик вакиллари ва оила аъзолари томонидан катта тантана билан кутиб олинди.
Таиланд пойтахти Бангкок шаҳрида бокс бўйича Париж Олимпиадасига лицензия берувчи турнир ўтказилмоқда. Мусобақа доирасида -75 кг вазнда иштирок этаётган Азиза Зокирова, ўзининг мусобақадаги илк учрашувида латвиялик Китижа Зарбергани 5:0 ҳисобида таслим этди ва кейинги босқичга йўл олди.
Испаниялик теннисчи Рафаэль Надаль Франция Очиқ чемпионатининг иккинчи босқичига чиқа олмади. Испаниялик теннисчи турнирнинг биринчи даврасида германиялик Александр Зверевга 3:6, 6:7 (5:7), 3:6 ҳисобида имкониятни бой берди.
Жорий йилнинг 22-26 май кунлари Перу пойтахти Лима шаҳрида оғир атлетика бўйича ўсмирлар ўртасида жаҳон чемпионати бўлиб ўтди.Ушбу мусобақада иштирок этган Ўзбекистон терма жамоаси аъзолари якунда 2 та олтин, 6 та кумуш, 4 та бронза, жами 12 та медаль қўлга киритган ҳолда дунёнинг 50 га яқин давлати орасида умумжамоа ҳисобида 7-ўринни эгаллади.
Ўзбекистоннинг оғир вазн тоифасида жанг қилувчи профессионал боксчиси Баҳодир Жалолов жанглардан тушган даромади қандай сарфлагани маълум бўлди. Бу ҳақда спортчи Халқаро бокс ассоциациясига (IBA) берган интервьюсида айтиб ўтган.
Япониянинг Кобе шаҳрида бўлиб ўтган пара енгил атлетика бўйича жаҳон чемпионати ўз якунига етди.Дунёнинг 103 та мамлакатидан мингдан ортиқ пара атлет иштирок этган мусобақада Ўзбекистон терма жамоаси 7 та олтин, 4 та кумуш ва 2 та бронза, жами 13 та медал жамғариб, умумжамоа ҳисобида Буюк Британия, АҚШ, Германия, Ҳиндистон ва Эрон каби етакчи давлатларни ортда қолдирган ҳолда 3-ўринни эгаллади.
Супер ярим ўрта вазн тоифасида WBA камари соҳиби Исроил Мадримов 3 август куни Теренс Кроуфордга қарши жанг қилади. Мадримов бўлажак жанг ҳақида ўз фикрларини билдириб ўтди.
Халқаро оғир атлетика федерацияси Олимпия цикли якунларига кўра Париж-2024 ёзги Олимпия ўйинларида иштирок этадиган спортчилар рўйхатини эълон қилди. Қувонарлиси, Ўзбекистон терма жамоаси аъзолари Акбар Жўраев ҳамда Ригина Адашбаева мусобақа иштирокчилари қаторидан жой олишди.
Мутлақ жаҳон чемпиони Александр Усикнинг Тайсон Фьюри билан реванш учун оладиган гонорарлари фоизи миқдори маълум қилинди. Boxing Kingdom портали хабарига кўра, Усик умумий гонорарнинг 60 фоизини қўлга киритади. Эслатиб ўтамиз, Усик ва Фьюри ўртасидаги реванш шу йил охири ёки 2025 йил бошида ўтказилиши мумкин.
Британиялик боксчи Тайсон Фьюри украиналик Александр Усик билан реванш жанги вариантини расман фаоллаштирди. Бу ҳақда Top Rank промоутерлик компанияси раҳбари Боб Арум маълум қилди.
3 июнь куни Ирландиянинг Дублин шаҳрида аралаш яккакураш бўйича машҳур ирландиялик жангчи Конор Макгрегор ва енгил вазн тоифасида собиқ UFC чемпиони америкалик Майкл Чендлер иштирокидаги илк матбуот анжумани бўлиб ўтади. Бу ҳақда UFC матбуот хизмати хабар бермоқда.
Қудратуллахон Маъруфхўжаев диск улоқтиришда ҳам тенгсиз бўлди ва Париж-2024 ёзги Паралимпия ўйинларига иккинчи лицензиясини қўлга киритди! Бугун Япониянинг Кобе шаҳри мезбонлик қилган пара енгил атлетика бўйича жаҳон чемпионати ўз якунига етади.