Осиё ўйинлари. Ўзбекистон U-23 Вьетнамни енгиб, гуруҳни 100 фоизлик натижа билан якунлади

Осиё ўйинлари футбол мусобақасининг гуруҳ босқичи 3-турида Ўзбекистон U — 23 терма жамоаси Вьетнам U — 23 жамоасига қарши майдонга тушди.

Учрашувда Равшан Ҳайдаров шогирдлари 2:0 ҳисобида ишончли ғалабага эришди.

Баҳсдаги голларга Муҳаммадали Ўринбоев (5) ва Нурлан Ибраимов (67) муаллифлик қилди. Шу тариқа, Ўзбекистон рақиб дарвозасини икки бор ишғол қилиб, навбатдаги уч очкони қўлга киритди.

Ҳамюртларимиз C гуруҳида 9 очко билан пешқадам бўлди. Вьетнам 4 очко билан 2-ўринда қолди. Филиппин 3 очко билан учинчи, 1 очкоси бор Қувайт тўртинчи бўлди.

Манба: www.stadion.uz.