Миллий статистика қўмитаси маълумотларига кўра, 2026 йилнинг январь-июнь ойларида Ўзбекистонда 373 389 та тирик туғилиш қайд этилган. Туғилишлар оналарнинг ёш гуруҳлари кесимида қуйидагича тақсимланган: 25 ёшгача — 147 355 нафар; 25–39 ёшдагилар — 219 588 нафар; 40 ёш ва ундан катталар — 6 446 нафар Шундан,50 ёш ва ундан катталар — 8 нафар.
Олмазор туманида меҳнат бозори эҳтиёжлари ва кадрлар тайёрлаш тизими ўртасидаги боғлиқликни кучайтириш бўйича янги лойиҳалар амалга оширилади. Айни пайтда тумандаги иш берувчиларга 4 мингдан зиёд ўрта махсус маълумотли мутахассислар ҳамда қарийб 1 минг нафар махсус маълумот талаб этилмайдиган йўналишларда ишчи кучи зарур.
11 сентябрь куни Қашқадарё вилояти Экология ва иқлим ўзгариши бош бошқармасининг Ғузор тумани бўлими бошлиғи Баҳром Тошпўлатов ҳушсиз ҳолда вилоят шошилинч тез тиббий ёрдам илмий марказига олиб келинди. Дастлабки маълумотларга кўра, Баҳром Тошпўлатов Ғузор тумани Қовчин МФЙ ҳудудидан оқиб ўтувчи Қашқадарё дарёсида ноқонуний қум-шағал қазиб олиш ҳолатларини аниқлаш бўйича рейд тадбири вақтида ҳуқуқбузарлар ҳужумига учраган.
Ўқувчини хорижга кетиши муносабати билан мактабдан чиқариш хизмати my.gov.uz порталида тўлиқ онлайн шаклга ўтказилди. Аризани 18 ёшга тўлмаган ўқувчининг ота-онаси ёки васийси топшириши мумкин.
Тошкентда Бозсув канали бўйлаб 20 километр узунликда узлуксиз пиёдалар ҳудудини ташкил этиш режалаштирилмоқда. Лойиҳа «Шаҳидлар хотираси» ёдгорлик мажмуасидан Чилонзор туманигача бўлган ҳудудни қамраб олади.
Ўзбекистон Президенти Шавкат Мирзиёев 11 сентябрь куни Вьетнамнинг ROX Group инвестиция гуруҳи асосчиси Ань Туан Чан билан учрашув ўтказди. Томонлар ўзаро манфаатли ҳамкорликни ривожлантириш ва Ўзбекистонда янги инвестициявий лойиҳаларни амалга ошириш масалаларини муҳокама қилдилар.
Ўзбекистон Президенти Шавкат Мирзиёев 11 сентябрь куни Арманистон Бош вазири Никол Пашинян билан телефон орқали мулоқот ўтказди. Томонлар Ўзбекистон-Арманистон муносабатларини янада ривожлантириш масалаларини муҳокама қилиб, савдо-иқтисодий ва инвестициявий ҳамкорликка алоҳида эътибор қаратдилар.
Тошкентда Ўзбекистондаги Бельгиянинг биринчи элчихонаси расман ўз фаолиятини бошлади. Бельгиянинг янги элчиси Маттиас Кенде Ўзбекистон ташқи ишлар вазири Бахтиёр Саидовга ишонч ёрлиғининг нусхаларини топширди.
Асаджон Ходжаев Ўзбекистон рақамли технологиялар вазири ўринбосари этиб тайинланди. У комплаенс ва коррупцияга қарши ички назорат масалаларига масъул бўлади.
Аввал хабар берганимиздек, Тошкентда 1 октябрдан автобус ва метрода электрон тўлов учун йўл ҳақини 1 700 сўмдан 2 500 сўмга ошириш таклиф этилган. Мазкур лойиҳа юзасидан Транспорт вазирлиги изоҳ берди.
Ўзбекистонда 11 сентябрь куни ўзгарувчан булутли об-ҳаво кузатилади. Айрим ҳудудларда қисқа муддатли ёмғир ёғиши, момақалдироқ бўлиши ва шамол кучайиши мумкин.
Ўзбекистонда Давлат экологик назорати инспекцияси ходими Мирзо Ботиров ҳалок бўлди. У электр қармоқдан фойдаланиб, ноқонуний балиқ овлаётган шахсларга қарши рейд вақтида сувга тушиб кетган ва бир неча соат ўтиб, ҳалок бўлган ҳолда топилган.
Сенат давлат чегараси орқали ноқонуний туннел ва бошқа ерости инфратузилма объектларини барпо этиш учун алоҳида жиноий жавобгарлик белгилашни назарда тутувчи қонунни маъқуллади. Қонун билан Жиноят кодексига давлат чегараси орқали ер остида ноқонуний туннеллар ва бошқа инфратузилма объектларини қуриш, улардан фойдаланиш, бундай фаолиятни ташкил этиш ёки молиялаштириш учун жавобгарлик киритилмоқда.
Ўзбекистон ташқи ишлар вазири Бахтиёр Саидов Туркия ташқи ишлар вазири ўринбосари Айше Беррис Экинчи билан учрашди. Учрашувда икки мамлакат ташқи ишлар вазирликлари ўртасидаги сиёсий маслаҳатлашувлар якунлари муҳокама қилинди.
2026 йил 29 сентябрдан 2 октябргача Ўзбекистонда I Марказий Осиё талабалар спорти форуми бўлиб ўтади. Форум Халқаро университет спорти федерацияси (FISU) президенти Леонз Эдернинг Ўзбекистонга ташрифи муносабати билан, шунингдек, мамлакатнинг талабалар спорти соҳасидаги тажрибасини халқаро миқёсда тарғиб қилиш мақсадида ташкил этилмоқда.
2026 йил 25–27 ноябрь кунлари Тошкентда III халқаро «Лаззатли Ўзбекистон» гастрономик фестивали ва ошпазлар чемпионати ўтказилади. Тадбир «Ипак йўлида туризм» XXXI Тошкент халқаро туризм ярмаркаси доирасида «Central Asian Expo Uzbekistan» кўргазмалар мажмуасида бўлиб ўтади.
Чорвоқ сув омборида чўкиб кетган ота ва унинг икки ўғлини қидириш ишлари якунланди. Бугун қолган икки фуқаронинг жасади ҳам топилди, учинчи жасад ФВВ ғаввослари томонидан соат 13:35 да сувдан олиб чиқилган.
Ўзбекистон Сенати лотин графикасига асосланган ўзбек алифбосига ўзгартишлар киритишни назарда тутувчи қонунни маъқуллади. Ҳужжат парламент юқори палатасининг 10 сентябрь куни бўлиб ўтган 19-ялпи мажлисида кўриб чиқилди.
Миллий статистика қўмитаси маълумотларига кўра, 2025 йилда Ўзбекистонда илмий-тадқиқот ва тажриба-конструкторлик ишларини бажарган мутахассис-тадқиқотчилар сони 43,1 минг нафарни ташкил этган. Бу 2024 йилга нисбатан 9,5 минг нафарга ёки 28,3 фоизга кўп.
Apple компанияси iPhone 18 Pro ва iPhone 18 Pro Max смартфонларини тақдим этди. Янги моделларда камера, ишлаш тезлиги, аккумулятор қуввати ва сунъий интеллект имкониятларига асосий эътибор қаратилган.
Наманган аэропортида 1,1 млрд сўмлик қимматбаҳо металлни Ҳиндистонга ноқонуний олиб чиқишга уриниш аниқланди. Давлат хавфсизлик хизматининг Наманган вилояти бўйича бошқармаси ва вилоят Божхона бошқармаси ходимлари ҳамкорликда тезкор тадбир ўтказди.
Сурхондарё вилояти Шўрчи туманида археологлар бронза даврига оид Озод қадимий қабристонини ўрганмоқда. Ҳозирга қадар бу ерда қарийб 100 та қабр аниқланган.
Жаҳон божхона ташкилоти Бош котиби Ян Сондерс Тошкентда ўтказилган VII Глобал кинология форумидаги иштирокидан сўнг таассуротларини LinkedIn саҳифасида баён қилди. Форумда 50 та давлатдан вакиллар, шунингдек, хизмат итларидан божхона ва хавфсизлик органлари фаолиятида фойдаланиш бўйича мутахассислар иштирок этди.
«XushnudbekUz» Telegram канали талабалар учун жами 1 миллиард сўмлик таълим грантини эълон қилди. Грант юқори ўзлаштириш кўрсаткичига эга ва ижтимоий ҳимояга муҳтож талабаларни қўллаб-қувватлашга қаратилган.
Марказий Осиёнинг беш давлати ташқи ишлар идоралари раҳбарлари минтақада ядро қуролидан холи ҳудуд тўғрисидаги шартномага содиқлигини тасдиқлади. Қўшма баёнот ҳужжат имзоланганининг 20 йиллиги муносабати билан қабул қилинди.
Фарғонада 27 ёшли эркак икки аёлни фоҳишалик билан шуғулланиш учун Москвага юбормоқчи бўлган вақтда ушланди. Бу ҳақда ДХХ маълум қилди.
Ўзбекистон таэквондо терма жамоаси спортчиси Жасурбек Жайсунов Осиё Олимпия кенгаши (ООК) Спортчилар комиссиясига номзод сифатида кўрсатилди. Сайловда спортчи Марказий Осиё минтақаси вакили сифатида иштирок этади.
Эслатиб ўтамиз, жорий йилнинг 2026 йил 2 сентябрь куни Тошкент вилояти, Бўстонлиқ тумани, “Бурчмулла” МФЙ ҳудудидаги “Чорвоқ сув омбори” сув ҳавзасида 3 нафар фуқаро (ота ва 2 нафар ўғил) катерда сайрга чиққан ва сувга тушиш тақиқланган ҳудудга бориб ҳимоя нимчасиз сувга тушиб чўкиб кетган эди. Хабар келиб тушган заҳоти ФВВ ғаввос-қутқарувчилари ҳодиса жойига етиб бориб, қидирув ишларини бошлаган.
Ўзбекистон иқтисодиётда давлат иштирокини қисқартиришни давом эттирмоқда. Янги хусусийлаштириш дастури доирасида 84 та хўжалик жамиятидаги давлат улуши, 1 242 та кўчмас мулк объекти ва қарийб 8 минг гектар ер майдони савдога чиқарилиши режалаштирилган.
Сентябрь ва октябрь ойларида Тошкентда режали тарзда беш кунлик иссиқ сув таъминоти узилишлари амалга оширилади. Ишлар 2026–2027 йиллар куз-қиш мавсумига тайyгарлик доирасида ўтказилмоқда.