Ҳайдовчиларга милтилловчи чироқлари ва махсус овозли сигналлари ёқилган тезкор ва махсус хизматлар транспорт воситаларига тўсқинлик қилмасдан йўл бериш зарурлиги эслатилди. Гап кўк, қизил ёки кўк ва қизил рангдаги милтилловчи чироқлар билан жиҳозланган транспорт воситалари ҳақида бормоқда.
Жиноят ишлари бўйича Шайхонтоҳур туман судида Тошкент шаҳар Давлат солиқ бошқармасининг собиқ бошлиғи Юнусжон Насимджанов ва Бош прокуратура ҳузуридаги Департаментнинг шаҳар бошқармаси бошлиғи собиқ ўринбосари Алишер Ганиевга нисбатан жиноят иши кўриб чиқилмоқда. Юнусжон Насимджанов Жиноят кодексининг 167-моддаси 3-қисми “а” банди (ўзлаштириш ёки растрата йўли билан талон-торож қилиш) ҳамда 205-моддаси 2-қисми “а” банди (ҳокимият ёки мансаб ваколатини суистеъмол қилиш) бўйича айбланмоқда.
Тошкент аэропортида Дубай — Тошкент рейси билан келган фуқаронинг багажидан 1,293 миллиард сўмлик декларация қилинмаган заргарлик буюмлари ва олтин қуймалари аниқланди. Божхона назорати вақтида фуқаронинг багажидан умумий оғирлиги 921,37 грамм бўлган 141 та заргарлик буюми топилган.
Рақобат қўмитаси тиббий хизматларни реклама қилаётган тадбиркорлик субъектларини реклама қонунчилиги талабларига риоя этишга чақирди. Қўмита маълумотига кўра, сўнгги вақтларда тиббий хизматлар рекламасида «касалликдан бир умрга халос қиламиз», «мутлақо хавфсиз», «3 кунда даволаймиз», «ҳеч қандай ножўя таъсири йўқ», «бизга келган беморларнинг барчаси соғайди» каби натижа, хавфсизлик ёки самарадорликни ошириб кўрсатувчи иборалардан фойдаланиш ҳолатлари кузатилмоқда.
Бош прокуратура ҳузуридаги Департаментнинг Сергели тумани бўлими текширувида тижорат банкларидан бирининг масъул шахслари мижоз омонатидаги 500 минг АҚШ долларининг 300 минг долларини ўзлаштиргани аниқланган. Маълум қилинишича, банк масъуллари фуқаро И.М.
Жорий йилнинг 25–26 сентябрь кунлари Тошкент шаҳрида “Россия таълими. Тошкент — 2026” олтинчи халқаро таълим кўргазма-ярмаркаси ўтказилади.
Ўзбекистонлик теннисчилар Пекинда ўтказилган нуфузли J300 тоифасидаги ўсмирлар турнирида жуфтлик баҳсларида чемпионликни қўлга киритди. Данила Квасов ва Акмал Абдуллаев финал учрашувида турнирнинг олтинчи рақамли жуфтлиги — Жанубий Корея вакили Вонмин Ким ҳамда хитойлик Ханлей Луни 7:6, 6:3 ҳисобида икки сетда мағлуб этди.
Миллий статистика қўмитаси маълумотларига кўра, 2026 йил 1 сентябрь ҳолатига Ўзбекистонда хорижий инвестициялар иштирокидаги 21 490 та корхона фаолият юритмоқда. Уларнинг иқтисодий фаолият турлари бўйича сони қуйидагича:− савдо соҳасида – 7 637 та; − саноат соҳасида – 4 177 та; − ахборот ва алоқа соҳасида – 1 840 та; − қурилиш соҳасида – 1 769 та; − яшаш ва овқатланиш бўйича хизматлар соҳасида – 945 та; − ташиш ва сақлаш соҳасида – 665 та; − қишлоқ, ўрмон ва балиқчилик хўжалиги соҳасида – 541 та; − соғлиқни сақлаш ва ижтимоий хизмат кўрсатиш соҳасида – 247 та; − бошқа соҳаларда – 3 669 та.
Тошкент вилояти ҳокимлиги маълумотига кўра, жорий йилнинг 3 октябридан эътиборан ҳудудда ичимлик суви ва канализация хизматлари нархи ошади. Аҳоли учун бир кубометр ичимлик суви тарифи 2 600 сўмдан 3 100 сўмга (19 фоизга), канализация хизмати эса 1 300 сўмдан 1 500 сўмга (15 фоизга) кўтарилади.
Қозоғистон ва Ўзбекистон миллий банк тизимлари ўртасида QR-кодлар орқали тўловларни амалга ошириш ва маблағларни ўтказиш тизимини ривожлантиришга келишиб олдилар. Ташаббус доирасида миллий QR-кодлар ўзаро тан олинади: ўзбекистонликлар Қозоғистонда маҳаллий тизим орқали, қозоғистонликлар эса Ўзбекистонда UzQR платформаси орқали товар ва хизматлар учун тўловларни амалга оширишлари мумкин бўлади.
Мамлакатимизда илк бор ўтказилган «Йил ўқитувчиси» танловининг якуний босқич ғолиблари аниқланди. Республика бўйича 46 минг нафардан ортиқ педагоглар иштирок этган ушбу беллашувда 208 та туман ва шаҳар бўйича биринчи ўринни эгаллаган 208 нафар ўқитувчи зафар кучди.
“Арда Хива” туризм мажмуасида II халқаро “Хоразм хонлари миллий таомлари” гастрономик фестивали очилди. Фестивалда Хоразм воҳасининг қадимий ва миллий таомлари — гумма, ижжон, тухум барак, шивит оши, кўк барак, қовоқ барак, Хоразм палови ҳамда бошқа анъанавий пазандачилик намуналари намойиш этилмоқда.
19 сентябрь оқшомида Тошкент осмонида ортидан узун ёрқин из қолдирган номаълум объект кузатилди. Ҳодиса шаҳарнинг турли нуқталарида видеога олинган.
Андижонда банк ходими фуқаронинг хорижга чиқишига қўйилган тақиқни 5,5 миллион сўм эвазига бекор қилишни ваъда қилган. У пулни олаётган вақтида ушланган.
Ўзбекистонда иқтисодий ўсиш аҳоли ўртасидаги тенгсизлик даражасининг пасайиши билан бирга кечмоқда. Бу ҳақда Бандлик ва камбағалликни қисқартириш вазири Ботир Зоҳидов Ижтимоий адолат учун глобал коалиция форумида Жаҳон банки маълумотларига таяниб маълум қилди.
20 сентябрь куни Ўзбекистоннинг аксарият ҳудудларида ҳаво бироз булутли бўлиб, ёғингарчилик кутилмайди. Бу ҳақда «Ўзгидромет» хабар берди.
2026/2027 ўқув йили учун олий таълим ташкилотларида тўлов-контракт маблағларини тўлаш ва талабалар сафига қабул қилишни расмийлаштириш муддати 15 октябрга қадар (шу куни ҳам) узайтирилди. Ушбу имконият бакалавриат ва магистратурага тавсия этилган абитуриентлар, шунингдек, ўқиши кўчирилган, кўчириб тикланган ҳамда кайта тикланган талабаларга татбиқ этилади.
Президент Шавкат Мирзиёев Нукус шаҳрида реконструкция қилинган «Турон» стадионига ташриф буюриб, бу ерда спортчилар учун яратилган шароитлар билан танишди. Янгиланган мажмуа Қорақалпоғистонда оммавий ва профессионал футболни ривожлантириш, ёш истеъдодларни тарбиялаш учун янги имкониятлар яратмоқда.
Нукусда ташкил этилаётган Қорақалпоғистон илмий-амалий тиббиёт академияси фаолиятини ҳали тўлиқ бошламасиданоқ халқаро ҳамкорликка кенг йўл очмоқда. Академия дастлабки кунларданоқ фақат минтақавий тиббиёт муассасаси эмас, балки хорижий илмий ва тиббий марказлар билан ҳамкорлик қиладиган халқаро платформа сифатида шаклланмоқда.
Нукус шаҳрида Президент Шавкат Мирзиёев раислигида Қорақалпоғистон Республикасини ижтимоий-иқтисодий ривожлантириш масалаларига бағишланган йиғилиш бошланди. Давлат раҳбари мустақиллигимизнинг 35 йиллик байрами шукуҳи давом этаётган айни кунларда Қорақалпоғистон аҳли билан юзма-юз учрашиб турганидан мамнунлигини билдирди.
Ички ишлар вазирлиги томонидан республика бўйлаб ўтказилаётган «Қорадори-2026» тезкор-профилактик тадбирининг иккинчи босқичида хўжаликларда етиштирилган 70 кг гиёҳвандлик ўсимликлари аниқланиб, йўқ қилинди. Назорат тадбирлари вертолётлар ёрдамида барча ҳудудларда амалга оширилди.
Президентнинг «Аҳоли даромадларини барқарор иш ўринлари яратиш ва кичик бизнесни жадал ривожлантириш орқали ошириш чора-тадбирлари тўғрисида»ги Фармони қабул қилинди. Ҳужжатга кўра, корхоналар томонидан ўз ходимлари, айниқса «Ижтимоий реестр»га киритилган оила аъзолари бўлган ходимлар учун амалга ошириладиган айрим харажатларни фойда солиғини ҳисоблашда чегириб ташлаш ҳамда тегишли объектлар бўйича ер ва мол-мулк солиқларидан имтиёзлар беришни назарда тутувчи норматив-ҳуқуқий ҳужжат ишлаб чиқилади.
Президент Шавкат Мирзиёевнинг Сеулга ташрифи ва «Марказий Осиё – Корея Республикаси» биринчи саммити доирасида олий даражадаги учрашувлар ҳамда дўстона суҳбатлар бўлиб ўтди. Ташриф давомида давлат раҳбари Марказий Осиё мамлакатлари етакчилари ҳамда Жанубий Кореянинг Ўзбекистондаги собиқ элчиси Ли Ук Хён билан мулоқот қилди.
17 сентябрь куни Ўзбекистоннинг аксарият ҳудудларида ўзгарувчан булутли, ёғингарчиликсиз об-ҳаво кузатилади. Бу ҳақда Ўзгидромет хабар берди.
Навоий вилояти Нурота туманидан ўтувчи D-191 автомобиль йўлида қуппа-қуруқ қуёш панеллари ёрдамида автоном ишлайдиган ва ўзиб ўтиш ҳамда тезликни назорат қилувчи автоматик комплекс ишга туширилди. Таҳлилларга кўра, ушбу йўл участкасида 2025 йилда ношаръий ўзиб ўтиш оқибатида 21 та йўл-транспорт ҳодисаси содир бўлиб, 5 киши ҳалок бўлган ва 22 киши жароҳатланган.
Тошкент ва Фарғона вилоятларида ҳуқуқни муҳофаза қилувчи органлар томонидан ўтказилган тезкор тадбирларда ноқонуний равишда «Умра» зиёратини ташкил этмоқчи бўлган шахслар ушланди. Тошкент вилоятида тегишли лицензияга эга бўлмаган 1984 йилда туғилган шахс фуқарони Саудия Арабистонига юбориш эвазига 1100 доллар талаб қилиб, 1000 доллар ва 1,2 миллион сўмни олаётган вақтида ашёвий далиллар билан қўлга олинди.
Марказий банк бошқаруви 16 сентябрдаги йиғилишда асосий ставкани йиллик 14 фоиз даражасида сақлаб қолиш тўғрисида қарор қабул қилди. Инфляция пасайишда давом этмоқда: август ойида умумий инфляция 6,2 фоизни, базавий инфляция эса 5,5 фоизни ташкил этди.
Президент Администрацияси раҳбари Саида Мирзиёева янги ташаббуслар ва йирик лойиҳаларни тайёрлашда қўлланилаётган жамоавий «ақлий ҳужум» формати ҳақида маълумот берди. Администрацияда ўтказилган навбатдаги таҳлилий муҳокамада яқин келажакда амалга ошириладиган муҳим йўналишлар ва йирик лойиҳалар кўриб чиқилди.
Ўзбекистон Республикаси Туризм қўмитаси раиси А. Акқулов БААнинг «Al Rais Travel», «Dnata Travel» ва «Nirvana Travel & Tourism» каби йирик сайёҳлик компаниялари раҳбарлари билан учрашув ўтказди.
— ДилобарКаттабекова Сирдарё вилояти ҳокиминингтуризм, маданият, маданий мерос ва оммавий коммуникациялар масалалари бўйичаўринбосари лавозимига тайинланди. Бунгача у Гулистон давлат университетида масъул лавозимда фаолият юритган.