Ўзбекистон август ойида Speedtest Global Index рейтингида ҳам мобил, ҳам симли интернет тезлиги бўйича уч поғонага юқорилади. Мобил интернет бўйича Ўзбекистонда юклаб олиш тезлиги 62,42 Мбит/с дан 65,27 Мбит/с гача ошди.
Бу ҳақда Ўзбекистонда камбағалликни қисқартириш, аҳоли бандлигини таъминлаш ва оилалар даромадини ошириш борасида амалга оширилаётган ишлар юзасидан ўтказилган брифингда маълум қилинди. Қайд этилишича, 2026 йилнинг дастлабки саккиз ойида 515 мингта оила учун индивидуал режалар ишлаб чиқилган.
Ўзбекистон Президенти Шавкат Мирзиёевнинг Корея Республикасига давлат ташрифи икки мамлакат ўртасидаги алоҳида стратегик шериклик муносабатларини ривожлантиришда муҳим босқич бўлди. Ташрифнинг асосий воқеаси Корея Республикаси Президенти Ли Чжэ Мён билан музокаралар бўлди.
Чоршанба, 16 сентябрь куни Ўзбекистоннинг аксарият ҳудудларида илиқ ва қуруқ об-ҳаво сақланиб қолади. Айрим ҳудудларда қисқа муддатли ёмғир ёғиши ва момақалдироқ бўлиши мумкин, деб хабар бермоқда Ўзгидромет.
Иқтисодий тадқиқотлар ва ислоҳотлар маркази Ўзбекистон қоғоз саноатининг 2017–2025 йиллардаги ривожланиш динамикасига бағишланган шарҳ тайёрлади. Қоғоз саноати қайта ишлаш саноатининг базавий тармоқларидан бири бўлиб, иқтисодиётнинг деярли барча соҳаларини қадоқлаш, санитария-гигиена, полиграфия ва техник материаллар билан таъминлайди.
Бухоро вилояти Қоровулбозор туманидаги нефть маҳсулотларини сақлаш омборидаги резервуарлардан бирида ёнғин чиқди. Фавқулодда вазиятлар вазирлиги маълумотига кўра, ҳодиса ҳақида хабар соат 10:30 да келиб тушган.
Ўзбекистон футбол терма жамоаси навбатдаги FIFA кунлари доирасида Сурия терма жамоаси билан ўртоқлик учрашуви ўтказади. Учрашув 1 октябрь куни Тошкентда бўлиб ўтади ва соат 19:00 да бошланади.
14 сентябрь куни Тошкент метрополитени хизматларидан 1 165 550 нафар йўловчи фойдаланиб, метро тарихидаги энг юқори кўрсаткич қайд этилди. Аввалги рекорд жорий йилнинг 8 май куни ўрнатилган бўлиб, ўшанда 1 117 061 нафар йўловчи ташилган эди.
Euronews маълумотига кўра, хорижий сайёҳнинг Ўзбекистонда қолиш муддати ўртача 8 кунга етган. Бир туристнинг ўртача харажати эса 2017 йилдаги 197 доллардан 503 долларгача ошган.
Ўзбекистон ва Корея Республикаси қишлоқ хўжалигида сув ресурсларини бошқариш тизимини модернизация қилиш бўйича йирик лойиҳани тайёрламоқда. Сирдарё вилоятининг Боёвут туманида ирригация инфратузилмасини реконструкция қилиш билан бирга, сув ҳаракати ва ундан фойдаланиш устидан рақамли назоратни жорий этиш режалаштирилмоқда.
Ўзбекистон Президенти Шавкат Мирзиёев 15 сентябрь куни Сеул шаҳрида Корея Республикаси Бош вазири Хан Сон Сук билан учрашди. Томонлар икки мамлакат ўртасидаги алоҳида стратегик шериклик муносабатларини янада мустаҳкамлаш масалаларини муҳокама қилди.
Пойтахтда Германияда таълим олиш ва фаолият юритишни режалаштираётганлар учун «BerufsEXPO 2026» кўргазмаси бўлиб ўтади. Тадбир 30 сентябрь ва 1 октябрь кунлари соат 11:00 дан 17:00 гача Миробод тумани, Ҳайдар Алиев кўчаси, 89-уй манзилида ўтказилади.
Ўзбекистон ва БМТ Туризм ташкилоти «2027 йил — Халқаро барқарор ва яшовчан туризм йили»нинг расмий очилиш маросимини Тошкент шаҳрида ўтказишга келишиб олди. Бирлашган Араб Амирликларида Ўзбекистон Республикаси Туризм қўмитаси раиси Абдулазиз Акқулов ва Бутунжаҳон туризм ташкилоти Бош котиби Шайха Носир Ал Новайс ўртасида учрашув бўлиб ўтди.
Қонун (ЎРҚ–1175-сон, 11.09.2026 й.) билан айрим қонун ҳужжатларига қўшимча ва ўзгартиришлар киритилди. Унга кўра, Ижтимоий ҳимоя миллий агентлиги ҳузуридаги Аёлларни реабилитация қилиш ва мослаштириш ҳудудий марказларига жойлаштирилган хотин-қизлар ўзлари ва вояга етмаган фарзандлари учун никоҳ тузилганлиги ҳамда туғилганлик ҳақидаги такрорий гувоҳномаларни олишда давлат божи тўлашдан озод этилади.
Саида Мирзиёева йирик архитектура лойиҳалари ташаббускорлари, мустақил мутахассислар, урбанистлар, профилли студия ва олийгоҳлар вакиллари билан учрашув ўтказиб, пойтахтнинг шаҳарсозлик ҳамда экологик муаммоларини муҳокама қилди. Учрашувда Тошкентнинг жадал ўсиши шаҳар инфратузилмасига комплекс ёндашувни талаб этаётгани таъкидланди.
Президент Шавкат Мирзиёев Сеулда Жанубий Корея Миллий Ассамблеяси Спикери Чо Чжон Сик билан музокара ўтказиб, парламентлараро алоқаларни янада мустаҳкамлаш масалаларини муҳокама қилди. Давлат ташрифи доирасида ўтган учрашувда томонлар Ўзбекистон ва Жанубий Корея ўртасидаги алоҳида стратегик шерикликни ривожлантиришда парламентлар муҳим ўрин тутишини қайд этди.
Шотландия, Уэльс ва Шимолий Ирландия ҳукуматлари раҳбарлари Кардиффда ўтган тарихий учрашувда Буюк Британия таркибидан чиқиш ҳамда ўз тақдирини ўзи белгилаш ҳуқуқини мустаҳкамловчи қўшма меморандумни имзолади. Шотландия, Уэльс ва Шимолий Ирландия ҳукуматлари раҳбарлари Кардиффдаги учрашувда ҳар бир миллатнинг ўз тақдирини ўзи белгилаш, Буюк Британиядан мустақил бўлиш ҳамда Европадаги келажагини таъминлаш ҳуқуқини мустаҳкамловчи ҳамкорлик меморандумини имзолади.
«Пахтакор» Элит Осиё Чемпионлар лигаси 1-тури доирасида сафарда Саудия Арабистонининг «Ал-Аҳли» клуби билан куч синашди. Учрашувнинг 86-дақиқасида Фламарион ҳисобни очган бўлса-да, ҳакам томонидан қўшиб берилган дақиқаларда мезбонлар мувозанатни тиклаб, мағлубиятдан қутулиб қолди.
Ўзбекистон Республикаси Президенти Шавкат Мирзиёевнинг Корея Республикасига давлат ташрифи доирасида мамлакатимиз Биринчи хоними Зироат Мирзиёева Корея Республикаси Биринчи хоними Ким Хе Гён ҳамроҳлигида Корея Миллий сарой музейига ташриф буюрди. Музей экспозицияси Корея тарихида беш асрдан ортиқ вақт давомида алоҳида ўрин тутган Чосон қироллик сулоласининг кўп асрлик тарихи ва бой маданий мероси билан танишиш имконини беради.
2026 йил 15 сентябрь куни соат 06:55 да Қирғизистон Республикасининг Ўш вилоятида 3,2 магнитудали ва 6 км чуқурликда ер силкиниши қайд этилди. Зилзила эпицентри Тошкент шаҳридан 334 км жануби-шарқий йўналишда жойлашган.
Хитой BRICS давлатлари учун сунъий интеллект соҳасида халқаро ҳамкорлик марказини ташкил этади. Бу ҳақда Хитой Халқ Республикаси Раиси Си Цзиньпин Нью-Деҳлида бўлиб ўтган BRICSнинг XVIII саммитида маълум қилди.
Жанубий Кореянинг етакчи нашрларидан бири The Chosun Daily газетасида Ўзбекистон Президенти Шавкат Мирзиёевнинг «Ўзбекистон ва Корея Республикаси: ўзгаришлар даврида келажакка йўналтирилган ҳамкорлик» номли мақоласи нашр этилди. Мақолада давлат раҳбари икки мамлакат ўртасидаги тарихий алоқалар, стратегик шерикликнинг ривожланиши ва савдо-инвестициявий ҳамкорликнинг кенгайиши ҳақида сўз юритган.
Ўзгидромет маълумотига кўра, 14 сентябрь, душанба куни Ўзбекистон ҳудудида кам булутли ва ўзгарувчан булутли об-ҳаво кузатилади, ёғингарчилик кутилмайди. Қорақалпоғистон ва Хоразм вилоятида кечаси ҳаво ҳарорати 10–15°, кундузи 27–32° бўлади.
Тошкент кўчаларида бир кунда 1,5 миллионта транспорт воситаси ҳаракатланмоқда. Давлат раҳбари раислигида ўтказилган видеоселектор йиғилишида тирбандлик муаммосини фақат йўлларни кенгайтириш, кўприк ва туннеллар қуриш орқали ҳал этиб бўлмаслиги таъкидланди.
Самарқандда Malibu ҳайдовчиси пиёдалар ўтиш жойида саккиз нафар пиёдага йўл бермай, хавфли манёвр содир этган. Йўлни кесиб ўтаётганлар орасида болалар аравачаси билан кетаётган аёл ҳам бўлган.
Тошкент шаҳрида БМТнинг Атроф-муҳит бўйича дастури (UNEP) ва Экология қўмитаси ҳамкорлигида Термиз шаҳрининг кум-чанг бўронлари ҳамда ҳаво ифлосланишига чидамлилигини оширишга бағишланган маслаҳат йиғилиши бўлиб ўтди. Япония томонидан молиялаштирилаётган ва 2026 йил апрелидан 2027 йил мартигача мўлжалланган ушбу лойиҳага Финляндия Метеорология институти, «Green University» ва маҳаллий ҳокимликлар ҳамкор сифатида жалб этилган.
Қабул қилинган 1172-сонли Қонунга кўра, ов қилиш овчилик хўжаликларига бириктирилган ҳамда Экология ва иқлим ўзгариши миллий қўмитаси томонидан белгиланадиган эркин ов қилиш жойларида амалга оширилади. Янги тартибга мувофиқ, питомникларда ёввойи ҳайвонларни етиштириб, ўз ҳудудларига қўйиб юборган овчилик хўжаликларига ушбу ҳайвонлар сонига тенг миқдорда, урчиш давридан ташқари, йил давомида рухсатномасиз ов ташкил этиш ҳуқуқи берилди.
Давлат хавфсизлик хизматининг Қорақалпоғистон Республикаси бўйича бошқармаси, Божхона ва Ички ишлар органлари ходимлари томонидан ўтказилган ҳамкорликдаги тезкор тадбирда қўшни давлатдан олиб келинган йирик миқдордаги наркотик модда мусодара қилинди. Денов шаҳрида яшовчи, муқаддам гиёҳвандлик жинояти учун судланган 38 ёшли шахс Яккасарой туманидаги меҳмонхонада 1 кг 185 грамм “гашиш” моддасини 26 минг АҚШ долларига сотишга келишиб, шундан 21 минг долларини олаётган вақтда ашёвий далиллар билан ушланди.
Ўзбекистонда аҳоли бандлигини таъминлаш ва даромадларини ошириш бўйича Президент Шавкат Мирзиёев раислигида ўтказилган кенгайтирилган йиғилишда кўп қаватли уйларнинг биринчи қаватидаги хонадонлардан турар жой мақомини нотурар жойга ўтказмасдан савдо ва хизмат кўрсатишда фойдаланиш таклиф этилди. Ушбу ташаббусга кўра, хонадонларда кичик дўкон, сартарошхона, гўзаллик салони, тикувчилик ательеси ҳамда пойабзал ва маиший техника таъмирлаш устахоналарини очишга рухсат берилиши кутилмоқда.
Давлат раҳбарининг 2025 йил 8 сентябрдаги қарори билан ташкил этилган, умумий қиймати 69,5 миллиард сўмлик ушбу лойиҳа доирасида Тошкент давлат техника университетининг 7 қаватли ўқув биноси тўлиқ реконструкция қилиниб, замонавий лабораториялар билан таъминланди. Тўлиқ академик ва молиявий мустақилликка эга муассасага 2030 йилга қадар ТДТУнинг тегишли факультет ва кафедралари босқичма-босқич трансформация қилинади.