Республика ихтисослаштирилган гематология илмий-амалий тиббиёт марказида энг замонавий тиббий технологиялар билан жиҳозланадиган 5 қаватли янги асептик корпус қурилмоқда. Мазкур мажмуада йилига 200 нафаргача беморда аллоген гемопоэтик ўзак ҳужайралар трансплантацияси амалга оширилиши кўзда тутилган.
Президентнинг 2026 йил 21 сентябрдаги ПҚ–346-сонли қарорига мувофиқ, нуфузли халқаро шахмат мусобақалари ғолиб ва совриндорларига бериладиган бир марталик пул мукофотлари миқдори сезиларли даражада оширилди. Янги тартибга кўра, катталар ўртасидаги Бутунжаҳон шахмат олимпиадаси ва паралимпиадасида олтин медални қўлга киритган спортчиларга 200 минг АҚШ доллари (илгари БҲМнинг 2 минг баравари эди), кумуш медаль эгаларига 100 минг доллар, бронза медали соҳибларига эса 50 минг доллар миқдорида мукофот пули ажратилади.
Андижон халқаро аэропорти реконструкциядан сўнг соатига 200 нафар эмас, 1000 нафаргача йўловчига хизмат кўрсатиши мумкин. Келгусида аэропортнинг йиллик йўловчи оқимини 3,5 миллион нафарга етказиш режалаштирилган.
Тошкент шаҳри Global Cities Index 2026 рейтингида 128 поғонага юқорилаб, дунёнинг энг йирик 1000 та шаҳри орасида 343-ўринни эгаллади. Иқтисодий кўрсаткичлар бўйича пойтахт сезиларли ўсиш қайд этиб, бир йил ичида 558-ўриндан 188-ўринга кўтарилди.
Саида Мирзиёева Google вице-президенти Каран Бхатия билан учрашди. Ўзбекистон Республикаси Президенти Администрацияси раҳбари Саида Мирзиёева Google компанияси вице-президенти Каран Бхатия билан учрашув ўтказиб, мамлакатимизда YouTube платформаси монетизациясини ишга тушириш масаласини муҳокама қилди.
Банкка автокредит расмийлаштириш учун келган мижознинг ёнидаги 5,7 минг АҚШ долларига кўз тиккан банк ходими уни қасддан ўлдирганликда айбдор деб топилиб, 18 йилга озодликдан маҳрум қилинди. Суд материалларига кўра, ходим мижозни овлоқ жойга олиб бориб ўлдирган, жасадини автомобиль ичига жойлаштирган ва ҳеч нарса бўлмагандек иш жойига қайтиб, кечгача ишлаган.
Сўнгги йилларда пойтахтда жамоат транспортини ривожлантириш, янги автобус ва электробусларни олиб келиш ҳамда йўловчилар учун қулайликларни ошириш бўйича қатор ишлар амалга оширилди. Транспорт вазирлиги ҳузуридаги Жамоатчилик кенгаши Тошкент шаҳар транспорт ва йўл-транспорт инфратузилмасини ривожлантириш бош бошқармаси билан ҳамкорликда ушбу ўзгаришларни баҳолаш ва хизмат сифатини янада яхшилаш мақсадида сўровнома ташкил этди.
ICT WEEK Uzbekistan 2026 тадбирининг очилиш маросимида Рақамли технологиялар вазири Шерзод Шерматов 50 дан ортиқ ўзбекистонлик стартап асосчиларини саҳнага таклиф қилиб, халқаро инвесторларга мурожаат қилди. Вазир Ўзбекистонни «стартаплар юрти»га айлантириш мақсадини таъкидлаб, инвесторларни мамлакатдаги ёш технологик компанияларни ривожлантириш жараёнининг дастлабки босқичлариданоқ ушбу экотизимнинг бир қисми бўлишга чақирди.
Ўзбекистонда пенсия тизимига кенг кўламли ўзгартишлар киритишга тайёргарлик кўрилмоқда. Иқтисодиёт ва молия вазирлиги томонидан ишлаб чиқилган Президент фармони лойиҳаси Regulation.gov порталида қарийб 62 минг марта кўрилган, 1,5 мингдан ортиқ фойдаланувчи уни қўллаб-қувватлаган.
Ўзбекистон Президенти Шавкат Мирзиёев 22 сентябрь куни Туркманистон Президенти Сердар Бердимуҳамедов билан телефон орқали мулоқот қилди. Суҳбат аввалида Мирзиёев туркманистонлик ҳамкасбини таваллуд куни билан самимий муборакбод этиб, унга мустаҳкам соғлик, фаровонлик ва давлат фаолиятида муваффақиятлар тилади.
Тошкентда «Стартаплар мамлакати» шиори остида ICT Week Uzbekistan 2026 ҳафталигининг очилиш маросими бўлиб ўтмоқда. Тадбирда Ўзбекистонда стартап экотизимини ривожлантириш, ёшларнинг инновацион ғояларини қўллаб-қувватлаш ва рақамли технологиялар соҳасидаги имкониятлар намойиш этилди.
Билим ва малакаларни баҳолаш агентлиги томонидан миллий сертификат имтиҳонларига рўйхатдан ўтиш тизимида янги тартиб амалиётга жорий этилди. Эндиликда талабгорларни рўйхатга олиш жараёни ҳар бир ҳудуднинг сиғими ҳамда мавжуд ўтириш ўринлари сонидан келиб чиққан ҳолда амалга оширилади.
Президентнинг 2026 йил 21 сентябрдаги ПҚ–345-сон қарорига мувофиқ, Ўзбекистонда меҳнат соҳасида хавфсиз ва ҳурматга асосланган иш муҳитини таъминлаш дастури босқичма-босқич жорий этилади. Дастур давлат органлари ва ташкилотлари, давлат улуши 50 фоиз ва ундан ортиқ бўлган юридик шахслар, шунингдек, мулкчилик шаклидан қатъи назар корхона, ташкилот ва муассасаларда татбиқ этилиши назарда тутилган.
19 cентябрь “World cleanup day” — “Бутун Жаҳон тозалик куни” муносабати билан Экология қўмитаси ҳузуридаги Чиқиндиларни бошқариш ва циркуляр иқтисодиётни ривожлантириш агентлиги томонидан республика бўйлаб “Ҳаёт учун жой ажратинг” шиори остида оммавий плоггинг эко-акцияси ташкил этилди. “Бутунжаҳон тозалик куни” тадбирларида республика бўйича 5 минг нафардан ортиқ иштирокчи қатнашиб, улар томонидан жами 39 минг тоннага яқин чиқинди ҳудудлардан олиб чиқилди.
Ўзбекистонлик автопойгачи Исмаил Ахмедходжаев Бельгиянинг машҳур Спа-Франкоршам автодромида бўлиб ўтган Ultimate GT Sprint Cup халқаро мусобақасининг тўртинчи босқичида муваффақиятли иштирок этди. Роман Русинов билан биргаликда Rossa LM GT автомобилида қатнашган вакилимиз ўз жамоаси билан бирга иккита поул-позиция ва иккита шоҳсупани қўлга киритди.
Япониянинг Аичи ва Нагоя шаҳарларида ўтказилаётган XX ёзги Осиё ўйинларида Ўзбекистон делегацияси навбатдаги кумуш медални қўлга киритди. Аралаш жанг санъатининг модерн йўналиши бўйича -60 кг вазн тоифасида иштирок этган спортчимиз Фирдавс Атамурадов ҳал қилувчи финал босқичида тожикистонлик Мирзобек Умаровга имкониятни бой бериб, мусобақанинг иккинчи ўринини ва кумуш медалини қўлга киритди.
Тошкент шаҳар ҳокимлиги томонидан Юнусобод туманининг “Қашқар” маҳалласида, Алишер Навоий номидаги Миллий кутубхона ортидаги ҳудудда давлат-хусусий шериклик шартлари асосида йирик автотурагоҳ ва спорт-соғломлаштириш мажмуасини барпо этиш лойиҳаси тасдиқланди. Жой 10 йил муддатга ижарага берилиб, аукционнинг бошланғич нархи 514,2 миллион сўмни ташкил этади.
Ўзбекистон Республикаси Президенти Администрацияси раҳбари Саида Мирзиёева Нью-Йорк шаҳрида БМТ Бош котиби Антониу Гутерриш билан учрашди. Мулоқот чоғида Ўзбекистон ва БМТ ўртасидаги ҳамкорликни янада ривожлантириш масалалари муҳокама қилинди.
Ўзбекистонда илк бор темир йўл транспорти ва метрополитенда тортиш ҳаракат таркибини бошқариш ҳуқуқини берувчи гувоҳномаларни расмийлаштириш бўйича ягона тартиб жорий этилмоқда. Вазирлар Маҳкамасининг 2026 йил 17 сентябрдаги 502-сон қарори билан ушбу давлат хизматини кўрсатишнинг маъмурий регламенти тасдиқланди.
22 сентябрь куни Ўзбекистонда асосан қуруқ об-ҳаво кузатилади. Кундузи ҳаво ҳарорати 27–37 даража бўлади.
Миллий статистика қўмитаси маълумотларига кўра, 2026 йилнинг январь-август ойларида 5,3 млн нафар Ўзбекистон фуқаролари туристик мақсадларда чет элга сафар қилган. Бу кўрсаткич ўтган йилнинг мос даври билан солиштирилганда 109,9 минг нафарга ошган.
Тошкент шаҳар ҳокими Шавкат Умурзаков Алишер Навоий номидаги Миллий кутубхона ортида жойлашган 1,3 гектар майдондаги яшил ҳудудда пуллик автотурагоҳ қуриш тўғрисидаги қарорни имзолади. Лойиҳа давлат-хусусий шериклик асосида амалга оширилиб, ер майдони бошланғич нархи 514 миллион сўм билан 10 йил муддатга ижарага бериш учун электрон аукционга чиқарилади.
Давлат хавфсизлик хизмати Тошкент вилояти бўйича бошқармаси ҳамда вилоят ИИББ ходимлари ҳамкорлигида ўтказилган тезкор тадбирда Чирчиқ шаҳридаги кўп қаватли уйлардан бирини ижарага олиб, гиёҳвандлик воситаларини тайёрлаш ва сотиш билан шуғулланган 2000 ва 2002 йилларда туғилган 4 нафар фуқаро ушланди. Гуруҳ аъзолари Telegram орқали хорижлик кураторлари томонидан контрабанда йўли билан етказилган “гашиш мойи” ва ярим тайёр маҳсулотлардан “гашиш” гиёҳвандлик моддасини тайёрлаб келишган.
FOLUR-Ўзбекистон лойиҳаси доирасида Қашқадарё вилоятида консервацион деҳқончилик ва ресурстежамкор технологияларни жорий этишга қаратилган семинар ҳамда малака ошириш тадбирлари бўлиб ўтди. Қарши шаҳридаги Жанубий деҳқончилик илмий-тадқиқот институтида ўтказилган суҳбат ва тренингларда 20 нафар олим ва қишлоқ хўжалиги мутахассислари тупроққа ишлов бермасдан экиш (No-Till), ҳосил қолдиқларини сақлаш ва навбатлаб экиш бўйича ўз билимларини оширдилар.
Ўзбекистон Президенти Шавкат Мирзиёев Владимир Путинни Россия Давлат думасига сайловлар ўтказилгани билан табриклади. У ўз мактубида сайловчиларнинг юқори фаоллиги ва овоз бериш натижаларини қайд этди.
Ўзбекистон аёллар терма жамоаси Осиё ўйинларида Гонконг вакилларидан устун келди. Мусобақанинг учинчи туридан ўрин олган учрашув Ўзбекистон терма жамоасининг 2:1 ҳисобидаги ғалабаси билан якунланди.
Ижтимоий тармоқларда Наманган шаҳрида бир гуруҳ ўсмирлар бошқа вояга етмаганларнинг буюмларини зўрлик ишлатиб олиб қўйгани акс этган видеотасвирлар юзасидан вилоят Ички ишлар бошқармаси расмий муносабат билдирди. Суриштирув давомида аниқланишича, жорий йилнинг 19 сентябрь куни Наманган шаҳрининг “Даштбоғ” маҳалласида 2-сонли касб-ҳунар техникумининг 1-босқичида таҳсил олувчи 7 нафар вояга етмаган шахс тенгдошларининг пул, соат ва телефонларини очиқдан-очиқ зўрлик ишлатиш йўли билан талон-торож қилган.
Божхона қўмитаси, Давлат хавфсизлик хизмати ва Ички ишлар вазирлиги ҳамкорлигида ўтказилган “халқаро назорат остида етказиб бериш” тезкор тадбирида Тошкент вилоятининг Чирчиқ шаҳрида 2009 йилда туғилган вояга етмаган фуқаро Россиядан юборилган жўнатмани қабул қилиб олаётган вақтда ушланди. Жўнатма холис гувоҳлар иштирокида текширилганда, 4 та консерва қутисига яширилган 852,2 грамм “гашиш” гиёҳвандлик моддаси борлиги аниқланди.
Ҳукумат комиссиясининг тегишли баёни билан “Савдони ривожлантириш компанияси” АЖ томонидан тадбиркорлик субъектларини молиявий қўллаб-қувватлаш тизимига бир қатор муҳим ўзгартиришлар киритилди. Янги қоидаларга кўра, 2026 йил 1 ноябрдан бошлаб кўргазмаларда миллий стенд таркибида ва xорижий ўқув семинарларида иштирок этиш, шунингдек, рақамли реклама жойлаштириш учун молиявий ёрдам олувчи корхоналарнинг бренди Интеллектуал мулк агентлигида мажбурий тартибда рўйхатдан ўтган бўлиши талаб этилади.
Тошкент шаҳар судлари 2026 йилнинг февраль ойида ЙПХ инспекторини уриб юборган BMW M4 автомобилининг вояга етмаган ҳайдовчисига чиқарилган ҳукмга изоҳ берди. Ўсмирга 2 йил-у 4 ой муддатга озодликдан маҳрум қилиш жазоси тайинланди.