АҚШ иммиграцион визаларга ариза берувчилар билан ўтказиладиган айрим визавий суҳбатларни бутун дунё бўйлаб вақтинча тўхтатди. Бунга Америка элчихоналари ва консулликлари ходимларини ўқитиш бўйича глобал дастурнинг бошланиши сабаб бўлган.
Омонатларни кафолатлаш агентлигида Янги Зеландиянинг Depositor Compensation Scheme (DCS) — омонатларни кафолатлаш тизими вакиллари билан видеоконференция бўлиб ўтди. Учрашув давомида DCS вакиллари тизим фаолияти, кафолат ҳолати юзага келганда омонатчиларга компенсация тўловларини амалга ошириш, шунингдек, ушбу жараённи ташкил этиш ва бошқариш тартиби ҳақида тақдимот ўтказди.
Тошкентнинг Мирзо Улуғбек туманида 26 август куни режали таъмирлаш ишлари сабабли айрим ҳудудларда газ таъминоти вақтинча тўхтатилди. «Hududgaz Poytaxt» матбуот хизмати маълум қилишича, таъмирлаш ишлари соат 10:00 дан 17:00 гача давом этади.
Бирлашган Миллатлар Ташкилотининг Чўлланишга қарши курашиш конвенцияси (UNCCD) Томонлар конференциясининг 17-сессияси — COP17 доирасида Ўзбекистон Миллий павильонида «Инвестициялардан натижаларга» мавзусида ёнма-ён тадбир бўлиб ўтди. Учрашувда деградацияга учраган ерларни тиклаш ва табиий ресурсларни барқарор бошқариш учун инвестициялар жалб қилиш ҳамда самарали ечимларни жорий этиш масалалари муҳокама қилинди.
Бугун Тошкентда «Ислом цивилизацияси: янги нигоҳ — янги кашфиётлар» халқаро медиафорумининг очилиш маросими бўлиб ўтди. Тадбирда ташкилотчилар номидан табрик сўзи билан чиқиш қилинди.
Ўзбекистон Президенти Шавкат Мирзиёев 25 август куни АҚШ Конгресси Вакиллар палатаси делегацияси билан учрашди. Америка делегацияси таркибидан конгрессменлар Жейсон Смит, Грег Мерфи, Ронни Жексон ва Эдвард Кейс ўрин олди.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) томонидан “Саноат корхоналарида унумдорликни ошириш” мавзусида ўқув-семинари ташкил этилди. Унда республикадаги 14 та етакчи “ақл марказлари” мутахассислари иштирок этди.
Ўзбекистонда таълим тизимида давлат тилини ўқитиш сифатини ошириш ва педагогларнинг касбий салоҳиятини ривожлантиришга қаратилган республика ўқув-семинари бошланди. 24–28 август кунлари Таълимни ривожлантириш республика илмий-методик маркази ҳамда Мактабгача ва мактаб таълими вазирлиги ҳамкорлигида «Мактабгача ва мактаб таълимида ўзбек тилини сифатли ўқитиш: замонавий методика ва инновацион ёндашувлар» мавзусида семинар ташкил этилмоқда.
22 август куни Қозоғистон ҳудудида содир бўлган йўл-транспорт ҳодисаси оқибатида Тошкент вилоятининг уч нафар фуқароси ҳалок бўлди. Марҳумларнинг жасадлари Миграция агентлиги Жамғармаси маблағлари ҳисобидан Ўзбекистонга қайтарилди.
29 ва 30 август кунлари Тошкентдаги Central Parkда Майкл Жексон таваллуд кунига бағишланган концертлар бўлиб ўтади. Меҳмонлар учун афсонавий санъаткор образини намоён этувчи ижодкорлар чиқиш қилади.
Душанбе шаҳрида биринчи «Тожикистон–2026» халқаро озиқ-овқат саноати форуми бўлиб ўтди. Унда 15 давлатдан 500 дан ортиқ вакил иштирок этди.
Миллий статистика қўмитаси маълумотларига кўра, 2026 йил январь–июнь ойларида Ўзбекистонда сартарошхона ва гўзаллик салонлари хизматлари ҳажми 7,03 трлн сўмни ташкил этган. Ҳудудлар кесимида: Тошкент шаҳри — 1,2 трлн сўм; Фарғона вилояти — 986,7 млрд сўм; Самарқанд вилояти — 838,7 млрд сўм; Наманган вилояти — 745,5 млрд сўм; Тошкент вилояти — 729,2 млрд сўм; Андижон вилояти — 461,4 млрд сўм; Қашқадарё вилояти — 440,1 млрд сўм; Қорақалпоғистон Республикаси — 342,3 млрд сўм; Хоразм вилояти — 340,4 млрд сўм; Бухоро вилояти — 240,7 млрд сўм; Сурхондарё вилояти — 234,7 млрд сўм; Навоий вилояти — 220,9 млрд сўм; Жиззах вилояти — 148,1 млрд сўм; Сирдарё вилояти — 100,6 млрд сўм.
Ходимларни «Open budget» жараёнида мажбурий равишда овоз тўплаш ёки овоз беришга жалб қилиш меҳнат қонунчилигига зид ҳисобланади. Бундай ҳолатга дуч келган фуқаролар 1176 қисқа рақами орқали хабар бериши мумкин.
Тўғридан-тўғри денгизга чиқиш имкониятига эга бўлмаган Ўзбекистон транспорт, логистика ва ташқи савдо соҳаларида халқаро ҳамкорликни янада фаоллаштиришни режалаштирмоқда. Бу борадаги воситалардан бири денгизга чиқиш имконияти бўлмаган ривожланаётган мамлакатлар учун Халқаро таҳлилий марказ — ITTLLDC билан ҳамкорлик бўлиши мумкин.
Ўзбекистон мустақилликнинг 35 йили давомида иқтисодиётни трансформация қилиш бўйича кенг кўламли ислоҳотларни амалга оширди. Уларнинг асосий йўналишларидан бири давлатнинг иқтисодиётдаги иштирокини босқичма-босқич қисқартириш ва хусусий капитал ҳамда инвестициялар учун кенгроқ имкониятлар яратиш бўлди.
Миллий статистика қўмитаси маълумотларига кўра, 2026 йилнинг январь-июль ойларида жами 21 минг нафар Италия фуқаролари туристик мақсадларда Ўзбекистонга ташриф буюрган. Уларнинг сафар мақсадлари бўйича тақсимоти қуйидагича: саёҳат – 20,1 минг нафар; хизмат юзасидан – 556 нафар; қариндошларни йўқлаш – 320 нафар; ўқиш – 61 нафар; даволаниш – 3 нафар; тижорат – 3 нафар.
Ўзбекистон Президенти Шавкат Мирзиёев 22 август куни мамлакат мустақиллигининг 35 йиллиги муносабати билан бир гуруҳ хорижлик ҳамкорлар ва хорижда фаолият юритаётган ватандошларни мукофотлаш тўғрисидаги фармонни имзолади. Мукофотлар Ўзбекистонда амалга оширилаётган кенг кўламли ислоҳотларни қўллаб-қувватлаш, иқтисодиётнинг устувор тармоқларида ҳамкорликни ривожлантириш, шунингдек, йирик инвестиция ва инфратузилма лойиҳаларини амалга оширишга қўшган ҳисса учун берилди.
2026 йил 23 август куни Тошкентда Ўзбекистон ва Озарбайжон ўртасида пенсия таъминоти соҳасида ҳамкорлик тўғрисидаги Битим имзоланди. Ҳужжат Ўзбекистон ва Озарбайжонда меҳнат қилган фуқароларнинг пенсия ҳуқуқларини ҳимоя қилиш ва пенсия таъминоти бўйича ҳамкорликни кучайтиришга қаратилган.
Тошкент халқаро молия марказида (ТХММ) инглиз умумий ҳуқуқини қўллаш ва мустақил регулятор ташкил этиш режалаштирилмоқда. Бу ҳақда Ўзбекистон Президенти Администрацияси лойиҳалар координатори Нодиржон Жўраев Silk Road Finance & Technology Forumда маълум қилди.
Озарбайжон Президенти Илҳом Алиев рафиқаси билан бирга Ўзбекистонга давлат ташрифи доирасида Бухорога келди. Бухоро халқаро аэропортида юқори мартабали меҳмонларни Ўзбекистон Президенти Шавкат Мирзиёев ва унинг рафиқаси кутиб олди.
Ўзбекистон Президенти Шавкат Мирзиёев АҚШ Президенти Дональд Трампга анъанавий ўзбек айвонларини совға қилди. Бу ҳақда The New York Times хабар берди.
24 август куни Ўзбекистон Президенти Шавкат Мирзиёев Ўзбекистон–Озарбайжон саммитининг иккинчи кунида иштирок этиш учун Бухорога келди. Ташриф доирасида президентлар Баҳоуддин Нақшбанд мемориал мажмуасига борди.
Миллий статистика қўмитаси маълумотларига кўра, 2026 йилнинг 1 июль ҳолатига Ўзбекистонда жисмоний шахсларга тегишли 4 982 516 дона автотранспорт воситалари рўйхатга олинган. Жисмоний шахсларга тегишли автотранспорт воситалари турлари бўйича қуйидагича тақсимланган: – енгил автомобиллар – 4 618 719 дона; – юк автомобиллари – 343 375 дона; – микроавтобуслар – 7 508 дона; – махсус транспорт воситалари – 7 128 дона; – автобуслар – 5 786 дона.
Янги Тошкентда «Озарбайжон» боғи лойиҳасини амалга ошириш бошланди. 23 август куни Ўзбекистон ва Озарбайжон президентлари Шавкат Мирзиёев ва Илҳом Алиев бўлажак жамоат маскани ҳудудига рамзий капсулаларни жойлаштирдилар.
Ўзбекистонда масъулияти чекланган жамиятлар (МЧЖ) бизнес юритишнинг асосий ташкилий-ҳуқуқий шаклига айланиб бормоқда. Миллий статистика қўмитаси маълумотларига кўра, 2026 йил 1 июль ҳолатига мамлакатда 440,1 мингта тижорат ташкилоти фаолият юритган.
Ўзбекистон биринчи хоними Зироат Мирзиёева ва Озарбайжон биринчи хоними Меҳрибан Алиева Тошкентда учрашиб, Ислом цивилизацияси марказига ташриф буюрди. Ташриф давомида улар Ўзбекистон ҳудудида цивилизациялар ривожланиши тарихига бағишланган экспозициялар билан танишди.
Тошкентда илк Silk Road Finance & Technology Forum ўз ишини бошлади. Форум Ўзбекистон Марказий банки ва Сингапур Валюта бошқармаси томонидан ташкил этилган нотижорат ташкилот — Global Finance & Technology Network ҳамкорлигида ўтказилмоқда.
Ўзбекистон ва Озарбайжон биринчи хонимлари пойтахтдаги «Ахун Гузар» шоурумига ташриф буюриб, маҳаллий брендлар ва миллий ҳунармандчилик анъаналарини замонавий талқинда намоён этаётган усталар ишлари билан танишди. Меҳмонлар ўзбек дизайнерлари ва ҳунармандлари томонидан тайёрланган маҳсулотларни кўздан кечирди.
Ўзбекистон Президенти Шавкат Мирзиёев Қозоғистон Президенти Қосим-Жомарт Тоқаевни мамлакатнинг янги бир палатали парламенти — Қурултойга илк сайловлар ўтказилгани билан табриклади. Ўзбекистон раҳбари 23 август куни бўлиб ўтган овоз бериш жараёни Қозоғистон учун тарихий воқеа, мамлакат сиёсий тизимини такомиллаштириш, давлат бошқаруви самарадорлигини ошириш ва парламент ролини кучайтиришда муҳим босқич бўлганини таъкидлади.
24 август куни Ўзбекистоннинг аксарият ҳудудларида қуруқ ва иссиқ об-ҳаво сақланиб қолади. Ўзгидромет маълумотларига кўра, деярли ёғингарчилик кутилмайди.