UFC. Махачев Хабибни ортда қолдирди

Россиялик жангчи Ислом Махачев UFC 302'нинг асосий жангида америкалик Дастин Порьени мағлуб этди. У учинчи марта енгил вазн тоифасида чемпионлик камарини ҳимоя қилди. Бу ғалаба унинг UFC'даги қаторасига 14-ғалабаси бўлди.

Шу тариқа, кетма-кет ғалабалар сони бўйича Махачев кетма-кет 13 та ғалабага эришган Хабиб Нурмагомедовни ортда қолдирди.

32 ёшли Махачев ҳисобида 26 ғалаба ва битта мағлубият бор, 35 ёшли Порье ҳисобида 30 ғалаба ва 9 мағлубият бор.