Бокс. Наоя Иноуэ WBA камарини вакант қолдириши мумкин

Аввалроқ WBA Наоя Иноуэ ҳамда Муроджон Аҳмадалиев ўртасидаги жангга буйруқ берганди.

Лекин Иноуэ Аҳмадалиев билан жангдан қочиб, ўз камарини вакант қолдириши мумкин.

«Навбатдаги жангнинг манзили аниқ. Барча камарларни ушлаб туриш қийин бўлади. Шу сабабли камарни вакант қолдиришимиз мумкин», — деди Иноэнинг менежери Охаши.

Эслатиб ўтамиз, Иноуэ навбатдаги жангини сентябрь ойида Токиода Сем Гудманга қарши ўтказиши лозим эди. Аммо Гудман июль ойида Австралияда рингга кўтарилади. Шу сабабли, Иноуэга сентябрь ойида WBO йўналишида 2-ўринни эгаллаб турган Ти Же Дохейнининг рақиб бўлиши кутилмоқда.

Манба: Ўзбекистон профессионал бокс федерацияси матбуот хизмати