Алькарас катта турнир тақвимини ўзгартирмоқчи

“Катта дубулға” турнирларининг уч карра чемпиони, дунёнинг иккинчи ракеткаси, испаниялик теннисчи Карлос Алькарас Лондонда (Буюк Британия) бўлиб ўтадиган АТП — 500 чимли турнири ташкилотчиларидан унинг бўлажак ўйини 20 июнга тўғри келса, ўйинлар тақвимини ўзгартиришни сўрашини айтди.

Эслатиб ўтамиз, 20 июнь куни футбол бўйича Испания терма жамоаси 2024 йилги Европа чемпионати гуруҳ босқичидаги иккинчи ўйинини ўтказади. Испанлар италияликлар билан ўйнайди.

“Футбол бўйича Европа чемпионати ҳар тўрт йилда бир марта ўтказилади, Испанияни томоша қилишда қўллаб-қувватлаш вақти келди. Агар пайшанба куни ўйнасам, ташкилотчилардан менинг ўйинимни эртароқ қўйишни сўрайман", — деди Алькарас.