Теннис. Касаткина Истборндаги турнир ғолибасига айланди

Россиянинг биринчи ракеткаси Дария Касаткина Англиянинг Истборн шаҳрида ўтказилган WТА — 500 турнирида ғолиб чиқди ва бу йилги биринчи кубокни қўлга киритди.

Рейтингда 14-ўринни эгаллаб турган Касаткина финалда канадалик Лейла Фернандесни (30-ўрин) 6:3, 6:4 ҳисобида мағлуб этди. Учрашув деярли икки соат давом этди.

Россиялик бу йил тўртинчи бор финалда ўйнади — у аввал Аделаида (Австралия), Абу-Даби ва Чарлестон (АҚШ) шаҳарларида ҳал қилувчи ўйинлар кортига чиқди, бироқ уларнинг барчасида мағлуб бўлди.

Ўтган йили Истборнда Касаткина финалда америкалик Медисон Кейсга ютқазиб қўйганди.

Аввалроқ Касаткина 2022-йил август ойида Канаданинг Гранби шаҳрида бўлиб ўтган турнирда WТА чемпиони бўлган эди.

Умуман олганда, Касаткина энди яккалик баҳсларида еттита WТА совринига эга.

У бугунги ғалаба учун 142 минг доллар мукофот пули олади.