Бокс. Қудратилло Абдуқаҳҳоров очколар бўйича ютқазиб қўйди

Россия Федерациясининг Киров шаҳрида бокс бўйича «IBA Чемпионлар оқшоми» бўлиб ўтди.

Турнирнинг асосий жангида профессионал боксчимиз Қудратилло Абдуқаҳҳоров рингга чиқди. Унга мезбонлар вакили Павел Сосулин рақиблик қилди. Саккиз раунд этиб белгиланган жанг тўлиқ давом этди ва унда афсуски, очколар ҳисобига кўра Сосулиннинг қўли баланд келди.

Шу тариқа, 30 ёшли Абдуқаҳҳоров ўзининг тўртинчи мағлубиятини қабул қилиб олди. Мағлубиятсиз одимлаётган Павел Сосулин эса бугун ўзининг тўққизинчи ғалабасини нишонлади.

Манба: Ўзбекистон профессионал бокс федерацияси матбуот хизмати