Париж Олимпиадасига йўл олган ўзбекистонлик спортчи қанча пул мукофоти олди?

Бугун пойтахтимизда спортчиларимизни Олимпиадага кузатиш маросими ташкил этилди. Унда Бош вазир Абдулла Арипов лицензия қўлга киритган спортчиларимиз учун 100 миллион сўмдан пул мукофоти берилганлигини маълум қилди.

Эслатиб ўтамиз, Рио 2016 ва Токио 2020 Олимпиадаларида ҳам лицензия қўлга киритган спортчиларга шунча миқдорда пул мукофоти берилганди.

Маълумот учун ҳозирга келиб, Ўзбекистон спорт делегацияси 68 та лицензияга эга. Ушбу лицензиялар 80 нафар спортчи томонидан қўлга киритилган.