Теннис. Дунёнинг олтинчи ракеткаси “Уимблдон”нинг иккинчи босқичига чиқа олмади

Дунёнинг олтинчи ракеткаси чехиялик Маркета Вондроусова мавсумдаги учинчи “Катта дубулға” туркумига кирувчи “Уимблдон”нинг иккинчи босқичига чиқа олмади.

25 ёшли Вондроусова илк учрашувда дунёнинг 83-ракеткаси испаниялик Жессика Бузас Манейрога 4:6, 2:6 ҳисобида имкониятни бой берди.

Вондроусова ўтган йили Уимблдонда ғалаба қозонган.

21 ёшли Бузас Манейро ўз фаолиятида илк бор “Катта дубулға” туркумига кирувчи турнирнинг иккинчи босқичига чиқди. Унинг навбатдаги рақиби Кристина Буча (Испания) – Ана Богдан (Руминия) жуфтлиги ғолиби бўлади.

Уимблдон 14 июль куни якунланади. Турнирнинг умумий мукофот жамғармаси 50 миллион фунтни ташкил қилади.