Россиялик курашчиларга Олимпиадага рухсат берилмади

ХОҚдан таклиф олган россиялик курашчилар Париж — 2024 ўйинларида қатнашмайди.

Бу ҳақда Россия спорт курашлари федерацияси матбуот хизмати хабар берди.

«ФСБР Ижроия қўмитаси эркин, аёллар ва юнон-рим кураши бўйича Россия терма жамоалари мураббийлар штаби ҳамда Олимпия ўйинларига таклифнома олган спортчилар билан кенгайтирилган йиғилиш ўтказди ва бир овоздан Олимпия ўйинларида қатнашмаслик қарорига келди», дейилади хабарда.