Шавкат Мирзиёевни Остона шаҳрида Қозоғистон Бош вазири кутиб олди

Ўзбекистон Республикаси Президенти Шавкат Мирзиёев 29 май куни амалий ташриф билан Қозоғистон пойтахти Остона шаҳрига етиб борди.

Остона халқаро аэропортида давлат раҳбарини Қозоғистон Республикаси Бош вазири Олжас Бектенов ҳамда бошқа расмий шахслар кутиб олди.

Ташриф дастурига мувофиқ, Ўзбекистон етакчиси кузатувчи давлат раҳбари мақомида Олий Евроосиё иқтисодий кенгашининг навбатдаги йиғилишида иштирок этади.

Учрашув ва музокаралар доирасида минтақавий иқтисодий ҳамкорлик, савдо-иқтисодий алоқаларни кенгайтириш ҳамда ўзаро манфаатли лойиҳаларни муҳокама қилиш режалаштирилган.