Ориф Бозоров Бухоро вилояти ҳокими ўринбосари бўлди

Ориф Бозоров Раупович Бухоро вилояти ҳокимининг комплаенс ва коррупцияга қарши ички назорат бўйича ўринбосари лавозимига тайинланди. Бу ҳақда вилоят ҳокимлиги матбуот хизмати хабар қилди.

Ориф Бозоров 1979 йил 24 апрелда Ғиждувон туманида туғилган. 2002 йилда Тошкент давлат юридик институтини битирган.

У айни пайтга қадар Ўзбекистон Бош прокуратураси ҳузуридаги Мажбурий ижро бюросининг Тошкент вилояти бошқармаси бошлиғи вазифасида ишлаб келаётган эди.