Андижонда фермер хўжалигининг 53 гектар ерга бўлган ҳуқуқлари тикланди

Андижон вилоятидаги «D.S.» фермер хўжалигининг 53 гектар ер майдонини давлат рўйхатидан ўтказиш билан боғлиқ муаммо ҳал этилди. Бу ҳақда Бизнес-омбудсман маълум қилди.

Хўжалик раҳбари рўйхатдан ўтказиш жараёнида юзага келган қийинчиликлар бўйича мурожаат қилган. Масала Андижон туманлараро маъмурий судида ҳам кўриб чиқилиб, тадбиркор манфаатларини ҳимоя қилувчи қарор қабул қилинган.

Бизнес-омбудсман девони ходимлари кўмагида рўйхатдан ўтказиш жараёни якунланиб, фермер хўжалигининг қонуний ҳуқуқлари тикланган.