Шахмат. Нодирбек дуранг ўйнади. Атиги битта ўйин қолди, Абдусатторов ҳамон пешқадам

Ухххх. Сал қолишига сал қолди. Абдусатторов яна битта ўта қийин учрашув ўтказди. Ҳиндистонлик Гукеш Доммаражуга қарши 19-юришда Нодирбек қўпол хатога йўл қўйди ва ундан кейин жуда қийин вазиятга тушиб қолди. Ҳатто 23-юришдаги хатодан кейин компьютер дастурлари оқларнинг 100 фоизлик ғалабасини баҳолади.

Аммо қандайдир мўжиза сабабли Нодирбек мағлубиятдан қутилиб қолди. Агар футбол тилида айтадиган бўлсак, 6:0 ҳисобида ютқазаётган жамоа учрашувнинг сўнгги дақиқаларида камбек қилиб, кетма-кет 6 та гол урганга ўхшайди.

Хуллас, нима бўлса ҳам Нодирбек 12 та ўйиндан кейин 9 очко тўплади. Сўнгги тур олдидан 4 спортчининг очколари тенглашди: Абдусатторов, Непомняшчий, Карлсен ва Каруана.

Атиги битта ўйин қолди. Охирги 13-тур. Шундан сўнг жаҳон чемпиони номи маълум бўлади.

Нодирбекнинг охирги рақиби бироздан сўнг маълум бўлади. Бизни кузатишда давом этинг. Абдусатторовни дуо қилиб туринг.

Манба: https://t.me/xushnudbek