Тошкент ҳокими в.б. Жаҳонгир Ортиқхўжаев ёрдамчисини ишдан бўшатди

Тошкент ҳокими в.б. Жаҳонгир Ортиқхўжаев ёрдамчисини ишдан бўшатди

Тошкент шаҳар ҳокими вазифасини бажарувчи Бахтиёр Раҳмонов собиқ ҳоким Жаҳонгир Ортиқхўжаевнинг ёрдамчиси бўлиб ишлаган Музаффар Абдураҳмонов билан тузилган меҳнат шартномасини бекор қилди.

Тошкент шаҳар ҳокими ўринбосари Музаффар Абдураҳмонов ўз лавозимини тарк этди. Бу ҳақдаги қарорни пойтахт ҳокими в.б. Бахтиёр Раҳмонов 16 январь куни имзолади.

Ҳужжатда айтилишича, Абдураҳмонов билан тузилган меҳнат шартномаси 13 январь куни ўз илтимосига кўра бекор қилинган. У 2021 йилдан буён ҳоким ёрдамчиси лавозимида ишлаб келаётган эди. Бундан ташқари, Абдураҳмонов 2018 йилда Тошкент шаҳар солиқ бош бошқармасида Солиқ ҳуқуқбузарликларининг профилактикаси бўлими бошлиғи, «Фарҳод деҳқон» бозори Кузатув кенгаши аъзоси сифатида ҳам фаолият юритган.

Тошкент ҳокими в.б. Жаҳонгир Ортиқхўжаев ёрдамчисини ишдан бўшатди
Музаффар Абдурахманов.

«Газета.uz» манбасининг ёзишича, Музаффар Абдураҳмонов Жаҳонгир Ортиқхўжаевнинг энг яқин кишиларидан бири бўлиб, пойтахт ҳокимлигининг муниципал йўналишида (ер участкалари, бинолар, бозорлар) раҳбар бўлган.

Тегишли қарор Бахтиёр Раҳмонов ҳоким вазифасини бажарувчи сифатида имзолаган биринчи ҳужжат бўлди.

«Газета.uz»да реклама

Душанба куни Шавкат Мирзиёев Тошкент шаҳар ҳокими Жаҳонгир Ортиқхўжаев ишдан олинганини маълум қилди. «Қуруқ гап, ёлғон „сводка“ билан пастга тушмагани учун кечаси штабда ишдан олдим», — деди президент.

Ўша куни собиқ ҳоким ва унинг оиласи Туркиянинг Истанбул шаҳрига учган Uzbekistan Airways авиакомпаниясининг HY 271 рейсига рўйхатдан ўтгани, бироқ собиқ ҳоким тўхтатиб қолингани айтилди. Хабар эса расман тасдиқланмади.

Сўнгги янгиликлар

Категориялар

© Yangiliklar24 . All Rights Reserved.