Хоразмнинг икки туманига ҳокимлар тайинланди

Зафар Абдримов Ҳазорасп туманига ҳоким этиб тасдиқланди. Шунингдек, аввал Урганч тумани прокурори бўлган Руслан Жуманиязов Янгибозор туманига ҳоким бўлди.

Хоразм вилоятининг 2 та туманига янги ҳокимлар тайинланди. Бу ҳақда Халқ депутатлари туман кенгашининг навбатдан ташқари сессиясида қарор қабул қилинди, дея хабар бермоқда вилоят ҳокимлиги матбуот хизмати.

Ҳазорасп туманига шу пайтгача Олий Мажлис Қонунчилик палатаси депутати вазифасида ишлаб келган Зафар Абдримов ҳоким лавозимига тасдиқланди.

Зафар Абдримов. Фото: Хоразм вилояти ҳокимлиги

Вилоятнинг Янгибозор туманига Руслан Жуманиязов ҳоким бўлди. У бунгача Урганч тумани прокурори бўлиб ишлаб келаётганди. У бошқа ишга ўтиши сабаб ишдан олинган Ўктам Курбоновнинг ўрнини эгаллади.

Руслан Жуманиязов. Фото: Хоразм вилояти ҳокимлиги