«Азамат, Дубай отмен», «Куёвингиз билан муҳим ишимиз бор» ва бошқалар — Тошкентда референдум тарғиботи. Фото

Янги Конституция бўйича референдум ўтказилишига 10 кун қолди. Шаҳарларда фуқароларни сайлов участкаларига боришга ундайдиган тарғиботлар тобора кўпайиб бормоқда. «Газета.uz» фотомухбири Тошкентдаги рекламалар ва шаҳарнинг «соғлом фуқаро якшанбаси»га тайёрланаётганини суратга олди.

Ўзбекистонда 30 апрель куни бўлиб ўтадиган янги Конституция бўйича референдумга қизғин тайёргарлик кўрилмоқда. LED мониторларда чатлардаги ёзишмаларга тақлид қилувчи, сайлов участкаларига келиб, овоз беришга чақирувчи рекламалар кетмоқда. Сиёсий воқеа тарғиботи жамоат транспортида ҳам пайдо бўлди. Жойларда сайлов участкалари рақамлари кўрсатилган белгилар ўрнатилмоқда. «Газета.uz» мухбири Тошкентдаги рекламаларни суратга олди.