Ташқи ишлар вазирига янги ўринбосар тайинланди

Бобур Усманов Ўзбекистон ташқи ишлар вазирига ўринбосар этиб тайинланди. У бунга қадар президент Администрациясида ишлаган.

17 апрель куни президент қарорига мувофиқ Бобур Усманов ташқи ишлар вазири ўринбосари этиб тайинланди ва ҳайъат йиғилишида барчага таништирилди, дея хабар бермоқда вазирлик матбуот хизмати.

У ушбу лавозимга тайинлангунга қадар президент Администрацияси, президент ҳузуридаги Стратегик ва минтақалараро тадқиқотлар институти, Адлия вазирлиги ва бошқа тузилмаларда турли лавозимларда ишлаб келган.