Сингапур президенти Самарқандга поездда борди

Сингапур президенти Ҳалима Яқуб Afrisoyob поездида Самарқандга етиб борди. Унга Ўзбекистон бош вазири ўринбосари Зулайҳо Маҳкамова ҳамроҳлик қилмоқда.

Ўзбекистонда давлат ташрифи билан бўлиб турган Сингапур президенти Ҳалима Яқуб пайшанба куни Самарқандга борди.

Самарқанд вилояти ҳокимлиги матбуот хизматининг хабар беришича, олий мартабали меҳмон Afrisoyob тезюрар поездида қадимий шаҳарга етиб келди. Унга Ўзбекистон бош вазири ўринбосари Зулайҳо Маҳкамова ҳамроҳлик қилмоқда.

Вокзалда Сингапур президентини вилоят ҳокими Эркинжон Турдимов кутиб олди.

Бир кун аввал Ҳалима Яқуб Ўзбекистон президенти Шавкат Мирзиёев билан музокара ўтказган ва икки давлат бизнес-форумининг очилишида иштирок этганди.

Аввал хабар берганимиздек, Сингапур президенти Uzbekistan Airways миллий авиакомпаниясининг мунтазам рейси билан Остонадан Тошкентга учиб келганди.