Ўзбекистон президенти Нью-Йоркка борди. Уни шаҳар мэри кутиб олди

Ўзбекистон президенти Нью-Йоркка борди. Уни шаҳар мэри кутиб олди

Президент Шавкат Мирзиёев Нью-Йоркка етиб борди. Бир неча кун давом этадиган ташриф доирасида у БМТ Бош Ассамблеясининг 78-сессияси, АҚШ ва Марказий Осиё давлатлари раҳбарлари саммити ҳамда бошқа тадбирларда иштирок этади.

Президент Шавкат Мирзиёев Бирлашган Миллатлар Ташкилоти Бош Ассамблеясининг 78-сессияси тадбирларида иштирок этиш учун 17 сентябрга ўтар кечаси Нью-Йорк шаҳрига борди.

Ўзбекистон президенти Нью-Йоркка борди. Уни шаҳар мэри кутиб олди
Давлат раҳбари матбуот хизматининг хабар қилишича, аэропортда уни Нью-Йорк шаҳри мэри Эрик Адамс, АҚШ-Ўзбекистон савдо палатаси раиси Кэролин Лэмм ва бошқа расмий шахслар кутиб олди.

Ўзбекистон президенти Нью-Йоркка борди. Уни шаҳар мэри кутиб олди
Шавкат Мирзиёев 19 сентябрь куни БМТ Бош Ассамблеяси ялпи сессиясининг умумий мунозараларида нутқ сўзлайди ҳамда «минтақавий ва глобал кун тартибидаги долзарб масалалар» юзасидан ўз нуқтаи-назарини баён қилади.

Ўзбекистон президенти Нью-Йоркка борди. Уни шаҳар мэри кутиб олди
Йилнинг бош халқаро сиёсий тадбири доирасида Марказий Осиё мамлакатлари ва Америка Қўшма Штатлари етакчилари саммити («С5+1» формати), хорижий давлатлар, нуфузли халқаро ташкилотлар ва АҚШнинг етакчи компаниялари раҳбарлари билан қатор икки томонлама учрашувлар ҳам бўлиб ўтади.

«Газета.uz»да реклама

Эслатиб ўтамиз, Шавкат Мирзиёев президентликка сайланганидан кейинги йил — 2017 йил сентябрь ойида БМТ Бош Ассамблеяси сессиясида нутқ сўзлаганди. У ўз маърузасида Ўзбекистоннинг янги қиёфасини шакллантириш, ташқи сиёсатнинг устувор йўналишлари ва терроризмга қарши кураш усулларини қайта кўриб чиқиш зарурлиги ҳақида гапирган.

Президент БМТ Бош Ассамблеясининг 2020 йилда коронавирус пандемияси туфайли илк бор онлайн тарзда ўтказилган 75-сессиясида ҳам иштирок этган.

Сўнгги янгиликлар

Категориялар

© Yangiliklar24 . All Rights Reserved.