ИИББ «кўча»га алоқадор яна бир шахсни ушлади
Тошкент шаҳар ИИББ томонидан «Долзарб қирқ кунлик» доирасида ўтказилаётган тергов-тезкор ҳаракатлар давомида яна бир нечта шахслар жиноят содир этганликда гумонланиб ушланди.
Шулар жумласидан, 1985 й.т. Бузруков Бузрук Акмалович (Ўзбекистон Республикаси Жиноят кодекси 277-моддаси 2-қисми бир гуруҳ шахслар томонидан безорилик).
Жиноят иши доирасида гумон қилинувчига нисбатан қамоққа олиш тарзидаги эҳтиёт чораси қўлланган. Тергов давом этмоқда.
Эслатиб ўтамиз, 4 декабр куни ҳам ИИББ бир гуруҳ «кўча болалари» ушланганини эълон қилганди. Унда аввал Фарғонада «Бахти Ташкентский»га яқин жиноий алоқаси бўлган Д.Х.Х. ушлангани хабар берилганди.