Қашқадарёда Наврўз байрамини нишонлашда мактаб ўқувчиси вафот этган
Бу ҳақидаги маълумот ижтимоий тармоқларда пайдо бўлган. Бугун Халқ таълими вазирлиги бу ҳолатни тасдиқлаб, фожеали ҳодиса 19 март куни Миришкор туманидаги 33-сонли мактабда юз берганини билдирган.
Вафот этган 17 ёшли қиз бола 10 синфда ўқиган. У рақсга тушиш пайтида хушини йўқотган.
Шундан сўнг мактаб ходимлари тез ёрдамни чақиришган. Вазирликнинг маълум қилишича, қиз ёшликдан тутқаноқ билан касал бўлган. Айни пайтда тергов ишлари олиб борилмоқда.