Тошкентда такси ҳайдовчисига босқинчилик уюштирилган. Жиноятчилар режани амалга ошириш учун икки нафар қиздан фойдаланишган
"7 июнь куни 24 ёшли эркак ҳуқуқни муҳофаза қилиш органларига ариза билан мурожаат қилди. Унинг сўзларига кўра, ўша куни, тахминан кеч соат 1:20 да, йўловчиларни ташиш билан шуғулланаётганда, Юнусобод туманидаги Ислом Каримов маҳалласида икки нафар аёл уларни Тошкент вилояти Қибрай туманидаги «Парвоз» маҳалласига олиб боришни сўрашган, – дея маълум қилмоқда ИИВ.
Автомобиль манзилга етиб боргач, икки эркак машинага ўтирган. Улар ҳайдовчининг томоғига пичоқ тираб, унга бир неча марта зарба беришган, шундан сўнг уни куч билан орқа ўриндиққа ўтказишган. Ҳужумчилардан бири рулга ўтирган, иккинчиси пичоқ билан таҳдид қилиб, такси ҳайдовчисининг уяли телефонини ва қўл соатини тортиб олган.
Кейин машина Тошкентнинг Учтепа туманидаги ёқилғи қуйиш шохобчасига кирган. Шу пайтда такси ҳайдовчиси ҳужумчини итариб, қочишга муваффақ бўлган.
Ушбу ҳолат бўйича Жиноят кодексининг 267-моддаси 2-қисмининг «б», «в» бандлари (бир гуруҳ шахслар томонидан олдиндан тил бириктирган ҳолда зўравонлик билан транспорт воситасини ўғирлаш) бўйича жиноят иши қўзғатилган.
Олиб келтирилган тергов-тезкор тадбирлар натижасида мазкур жиноятни содир этган шахслар аниқланган. 18 ёшли иккита қиз, шунингдек, иккита йигит (21 ва 22 ёш) мазкур жиноятга қўл ургани маълум бўлган. Улар машинани Зангиота туманида ташлаб кетишган.
Ҳозирги вақтда уларга нисбатан қамоққа олиш шаклида эҳтиёт чораси қўлланилган. Ушбу факт бўйича тергов ҳаракатлари олиб борилмоқда.