Тошкентда нотаниш йигит лифтда 10 яшар қизалоққа тегажонлик қилган
Ўша жабрланган қизнинг қариндоши таҳририятга мурожаат қилди.
«Жума куни тушдан кейин тахминан соат 16-17да жияним Учтепа туманидаги уй яқинидаги мактабдан қайтаётган бўлган. Чамаси 25-30 ёшли йигит унинг орқасидан борган ва қизалоқ билан бирга лифтга чиққан. Кейин у тўққизинчи қават тугмачасини босган ва »синглим, биз тўққизинчи қаватгача борамиз, кейин ўзинг кўтариласан", — деган. Улар 9-қаватга кўтарилганида, у аввал лифтдан подъездга чиқиб, атрофга қараган ва кейин қайтиб келиб, энди биринчи қаватга тушишларини ва сўнгра қиз ўзи хоҳлаган жойга бориши мумкинлигини айтган",- деди қариндоши.
Лифт тушиши пайтида у қизга тегишни бошлаган ва биринчи қаватга етиб борганида, уни интим жойидан чимчилаб, лифтдан тезда чиқиб кетган.
«Биз кузатув камераларидан видеотасвирни кўтаришни сўраб, участка инспекторининг ёнига бордик. Маълум бўлишича, бу йигит подъезддан чиқиб, яқин атрофда турган машинага ўтирган. Шундан сўнг 102 рақами бўйича ариза берилди», — деди у.
Кўп ўтмай, қизнинг ота-онасига қўнғироқ қилиниб, улар ҳуқуқни муҳофаза қилиш идорасига таклиф қилинган.
«ИИБда ота-онаси ва қизнинг ўзи ушланган шахсни танишга олиб борилган. Маълум бўлишича, ушланган киши ҳақиқатан ҳам кечаги «педофил» бўлган ва жиян уни таниган. Сўнгра, ходимлар ҳибсга олинган шахснинг бузуқ хатти-ҳаракатлари тўғрисида ариза ёзишни сўрашган. Ариза ёзилгандан сўнг, иш терговчига прокуратурага топширилиши тушунтирилган», — дея қўшимча қилди у.
Қизнинг қариндошлари маълум қилишича, 129-модданинг 2-қисми (вояга етмаганларга қарши бузуқ ҳаракатлар қилиш) бўйича иш қўзғатилган экан. Агар гумон қилинувчи айбдор деб топилса, унга уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш жазоси тайинланиши мумкин.
Умид қиламизки, адолат қарор топади ва айбдор қонун доирасида жазоланади.