Торос тоғларининг ярим ой шакли билан ўралган, Ўрта Ер денгизи ва мовий осмон рангларининг мукаммал қоришуви, шунингдек, айни пайтда кўнгилочар саёҳат манзили деганда хаёлга биринчилардан бўлиб келадиган ушбу маршрут — яъни Анталия, тарих, маданият, табиат, денгиз, ҳамда, қуёшни ўзида мужассам этган эртакнамо шаҳардир. Анталия дунёдаги энг кўп ташриф буюриладиган шаҳарлардан бири ва бунинг ўнлаб сабаблари мавжуд.
Ер ости ва ер усти шифобахш минерал булоқлар каби сув ресурсларидан даволаш воситаси сифатида фойдаланиш Термализм деб аталади. Термализм Европада қадим замонлардан то ҳозирги кунгача кенг қўлланилган амалиётдир.
«Халқаро маданият куни» муносабати билан Жанубий Кореянинг Ёжу шаҳрида «Маданиятлар хилма-хиллиги» фестивали бўлиб ўтди, дея хабар бермоқда «Дунё» АА Фестивалда ушбу мамлакатдаги дипломатик миссиялар ва халқаро ташкилотлар, ижтимоий, маданий ва ижодий ташкилотлар, етакчи туристик компаниялар вакиллари иштирок этди. Юртимизнинг сайёҳлик салоҳиятини кенг тарғиб қилиш, шунингдек ўзбек халқининг бой маданиятини намойиш қилиш мақсадида Сеулдаги Ўзбекистон элчихонаси ҳамда Ташқи меҳнат миграцияси агентлигининг Кванжу шаҳридаги ваколатхонаси мазкур тадбир ташкилотчилари қаторида иштирок этди.
Фестиваль ташкилотчиларининг сўзларига кўра, дунёнинг бошқа мамлакатлари қатори Ҳиндистонда ҳам цирк жуда машҳур ва оммабоп. Бироқ кўнгилочар тармоқнинг бошқа турлари ва рақамли соҳанинг жадал ривож топаётгани, шунингдек, коронавирус пандемияси билан боғлиқ санитария-эпидемиологик вазият ушбу санъат турининг ҳолатига таъсир кўрсатди.
Қорақалпоғистон Республикаси Жўқорғи Кенгеси, Ўзбекистон Республикаси Маданият ва туризм вазирлиги томонидан журналистлар учун ташкил этилган Пресстур давом этмоқда. Қорақалпоғистонга бўлган саёҳат сафарини узайтириш максадида, бу йили илк бор тадбир 4 кун давом этади.
Қорақалпоғистон Республикаси Жуқроғи Кенгеси ва Ўзбекистон Республикаси маданият ва туризм вазирлиги,мудофага кўмаклашувчи “ Ватанпарвар” ташкилоти бошчилигида Мўйноқда IV халқаро «Rally Maynak» экстремал автомобиль мусобақасига старт берилди. Халқаро даражадаги ушбу тадбир 4 маротаба ўтказилаётган бўлиб, нафақат Қорақалпоғистон балки Ўзбекистон миқёсидаги кўпгина хорижий туристларни жалб қилувчи ўзига хос тадбир бўлиб хисобланади.
2023 йил 10 июнь куни Истанбулнинг Отатурк Олимпия стадионида бўлиб ўтадиган, дунёнинг энг муҳим спорт тадбирларидан бири бўлган UEFA Чемпионлар Лигаси финал ўйинига ҳам саноқли кунлар қолди. Қизиқарли маданият ва санъат ҳаёти, мазали лаззатлари, тарихий манзиллари, ноёб шаҳар меъморчилиги, ёрқин тунги ҳаёти ва кенг кўламли харид қилиш имкониятлари билан Истанбул футбол мухлисларига унутилмас саёҳатни ваъда қилмоқда.
Остонада ўтган асрнинг 60-йиллари бошида пайдо бўлган Aфрика куни нишонланди. Байрам қитъа давлатларининг бирдамлик ва мустақилликка интилиши рамзидир, деб хабар беради “МИР 24” .
Таниқли раққоса, ўзбек рақс санъатида ўз мактабини яратган Ўзбекистон халқ артисти Қизлархон Дўстмуҳаммедова 77 ёшида вафот этди. Бу ҳақда Маданият вазирлиги хабар берди.
Бугун, 24-май куни Тошкент шаҳрида Маданият ва туризм вазирлиги ташаббуси билан Ўзбекистон-Сингапур туризм йўналиши тадбиркорлари ўртасида очиқ мулоқот ташкил этилди. Сингапур Республикаси Президенти Ҳалима Яқубнинг мамлакатимизга илк давлат ташрифи доирасида ташкил этилган тадбирда сингапурлик туроператорлар ва ОAВ вакилларидан иборат делегацияси ҳамда маҳаллий туризм соҳаси вакиллари билан B2B учрашув ўтказиб, икки томонлама ҳамкорлик алоқаларини ривожлантириш ўзаро сайёҳлар оқимини кўпайтириш борасида фикр алмашишди.
Европа кулолчилик йўналиши, ушбу санъатнинг ривожланиши ва Европа мамлакатлари мероси умумий маданий меросга қандай ҳисса қўша олишини оммага исботлаш мақсадида татбиқ этилган маданий йўналишлар қаторига киритилган. Барқарор туризмга ҳисса қўшишдан ташқари, ушбу қадимий анъанани ҳаётга татбиқ этувчи соҳа, ташриф буюрувчиларга мероснинг моддий жиҳатлари (ноёб бадиий маҳсулотлар ва коллекциялар, устахоналар ва музейлар) ҳамда, номоддий жиҳатлари (маҳаллий билимлар мажмуи ва сопол буюмлар ишлаб чиқариш учун зарур ҳунармандчилик сир-асрорлари) ҳақида ҳам маълумот беради.
Шу кунларда пойтахтимиз бир эмас, бир вақтнинг ўзида бир неча театр фестивалларига мезбонлик қилмоқда. Ўзбекистон Республикаси Маданият ва туризм вазирлиги томонидан ташкил этилган «Евроосиё» халқаро театр санъати фестивали ана шундай ижодий лойиҳалардан биридир.
Ўзбекистон Республикаси Президентининг «Ўзбекистон Республикаси туризм салоҳиятини ривожлантириш учун қулай шарт-шароитлар яратиш бўйича қўшимча ташкилий чора-тадбирлар тўғрисида»ги 2018 йил 3 февралдаги ПФ-5326-сон Фармони ижросини таъминлаш, шунингдек, ички туризмни жадал ривожлантириш, фуқароларни мамлакатимизнинг маданий-тарихий мероси ҳамда табиий бойликлари билан таништириш мақсадида, «Ўзбекистон бўйлаб саёҳат қил!» ички туризмни ривожлантириш дастурига мувофиқ «Самарқандлик магистрал электр тармоқлари» филиали жамоаси жорий йилнинг 20–21 май кунлари Хоразм вилоятининг Урганч ҳамда Хива шаҳарларига саёҳат уюштиришди. Юқори кучланишли электр тармоқларига хизмат кўрсатувчи 50 нафар самарқандлик энергетиклар ва улар оила аъзоларининг саёҳат-зиёрат тадбири филиал касаба уюшмаси маблағлари ҳисобидан амалга оширилди.
Таниқли ўзбек шоираси Хосият Рустамованинг «Мени юраклардан топ» деб номланган китоби АҚШнинг Даллас штатидаги «Mundus Atrium Press» нашриётида нашр қилинди. Ҳозирча шоиранинг дунёнинг 27 давлатида китоби чиқди ва 34 та хорижий тилга ўгирилди.Нашриёт билан имзоланган шартномага кўра, мазкур китоб биринчи босқичда 10 минг нусхада босилди ва океан ортида сотувга чиқарилди.
Женисбек Пиязов Татаристон халқ артисти бўлди. Бу ҳақда у ижтимоий тармоқдаги саҳифасида маълум қилди.
Жорий йилнинг 11-17 май кунлари Олмаота шаҳрида Ҳайвонот боғлари ва аквариумларининг Евроосиё минтақавий ассоциациясининг конференцияси бўлиб ўтди ва унда дунёнинг 20 давлатидан 170 кишини бир ерда жамлади. Конференсия дастури жуда бой ва қизиқарли бўлди: — Жониворларнинг кўплаб ноёб турларини сақлаш бўйича дастурлар доирасида олимлар ва кураторларнинг маърузалари тингланди;-EARAZA муаммолари ва истиқболлари, амалга оширилган ишлар, ҳайвонот боғлари ўртасидаги алоқаларни мустаҳкамлаш борасидаги саволлар муҳокама қилинди;— Ушбу соҳанинг энг яхши мутахассислари томонидан жониворлар турларини сақлаш, уларнинг фаровонлиги бўйича сертификатлаш ва бошқа масалалар бўйича маърузалар тақдим этилди.
Бирлашган Миллатлар Ташкилотининг Таълим, фан ва маданият масалалари бўйича ташкилоти (ЮНEСКО) дунё бўйлаб 1000 дан ортиқ тарихий объектларни инсоният учун муҳим аҳамиятга эга эканлигини эълон қилди. 2020 йилдан бери Туркия 16 та маданий ва 2 та аралаш ЮНEСКОнинг Жаҳон меросига мезбонлик қилиб келмоқда.
Президентимизнинг “Хизматлар соҳасини ривожлантиришга оид қўшимча чора-тадбирлар тўғрисида” қарори ижросини таъминлаш мақсадида Чироқчи туманида “Тарағай баҳори” фестивали ўтказилди, дея хабар бермоқда Қашқадарё вилоят ҳокимлиги ахборот хизмати. Қадим ва навқирон Тарағай қишлоғи тоғ ёнбағирларида ўтказилган фестивалда очиқ осмон остида Чироқчининг кўҳна тарихидан садо бергувчи музей, миллий ҳунармандчилик намуналари кўргазмаси, миллий қадриятларни ўзида мужассам этган халқ ўйинлари, миллий таомлар намойиши ҳамда санъаткорлар Ҳосила Раҳимова ва Сардор Тоировлар иштирокидаги гала-концерт намойиш этилди.
Дунёга машҳур дизайнерлар Ўзбекистон миллий либосларини жаҳон подиумларига олиб чиқишга кўмаклашади. Бу ҳақда Маданият ва туризм вазирлиги хабар берди.
Ички ишлар органлари ходимлари ўртасида китобхонлик маданиятини юксалтириш, уларнинг маънавий-маърифий, ҳуқуқий саводхонлигини оширишга алоҳида эътибор берилмоқда. Бу борада Хоразм вилояти ИИБ томонидан кўплаб маънавий-маърифий тадбирлар ўтказиляпти.
21-27 май кунлари ўнлаб турли тараққиёт изларини ўзида мужассам этган, унумдор география ва бой тарихдан озиқланган турк гастрономиясининг кенг кўламли Турк ошхонаси ҳафталиги бўлиб ўтади. Бу йил иккинчи марта бўлиб ўтадиган Турк ошхонаси ҳафталигида ЮНEСКО ижодий шаҳарлар тармоғи томонидан белгиланган «Дунёнинг 26-гастрономия шаҳри» Ҳатайнинг минтақавий таомларига урғу берилиши билан бир қаторда, Турк таомларини тайёрлашда ортиқча чиқиндилар чиқишига йўл қўймасликка ҳам алоҳида эътибор қаратилган.
Ўзбекистоннинг барча музейларида «Очиқ эшиклар куни» бўлиб ўтади. Пайшанба — Халқаро музейлар куни ва шу куни барча музейларда ўнлаб байрам дастурлари, янги кўргазмалар очилиши режалаштирилган.
Германиянинг энг йирик туркомпаниялари ёрдамида Ўзбекистоннинг туризм имкониятларини бутун Европа бўйлаб тарғиб қилиш, шунингдек, туризм салоҳиятини кўпайтириш мақсадида 11-16-май кунлари Германиянинг туристик операторлари Ўзбекистонга ташриф буюришди. ДРВ — Германиянинг туризм соҳасидаги етакчи ассоцация бўлиб, Германиянинг туристик бозорининг деярли 90%ни ташкил этувчи, хусусан, етакчи туроператорлар, туристик агентликлар, авиа компаниялар, мехмонхоналар ва бошақа сайёҳлик бизнеси корпорацияларини ўз ичига олади.
Жорий йил 12 май куни Қозон шаҳридаги Филармониянинг асосий саҳнасида “Бахор” давлат рақс ансаблининг концерти бўлиб ўтди, деб хабар бермоқда “Дунё” АА . Мазкур тадбир Татаристон Республикасида аккредитациядан ўтган хорижий давлатлар бош консуллари, Қозон федерал университети ва Татаристон Республикаси Маданият вазирлиги раҳбарияти, нуфузли журналист ва блогерлар иштирокида бўлиб ўтди.
Шаҳрисабз шаҳрида бўлиб ўтган “Еthno and modern fashion week” фестивали тадбирлар доирасида иштирокчиларга Қашқадарё вилоятининг энг хушманзара жойларига саёҳат уюштирилди. Яккабоғ туманидаги ”Қорабайир” отчилик мажмуасида вилоят мусиқали драма театрининг “Амир Темур ва сарбозлари” театрлаштирилган чиқишлари”, “Нурҳаёт” фолькор-этнографик халқ ансамблининг табиий ижродаги қўшиқ ва рақслари барчани ҳайратлантирди.
22-28 май кунлари Тошкентда “Евросиё” театр санъати фестивали бўлиб ўтади. Фестиваль Ўзбекистон Вазирлар Маҳкамасининг “Евросиё” халқаро театр санъати фестивалини ўтказиш чора-тадбирлари тўғрисида”ги қарорига мувофиқ ташкил этилмоқда.
Барқарор саёҳат ва туризм учун глобал стандартларни белгиловчи ва ушбу стандартларнинг амалга оширилишини таъминлайдиган Глобал Барқарор Туризм Кенгаши (GSTC) томонидан ташкил этилган Барқарор Туризм Кенгаши 2023 йил 9-12 май кунлари Анталияда бўлиб ўтди. Бу йил Туркияда биринчи марта ўтказилган ва GSTCнинг «имзолаш маросими» бўлган конференция Ўрта Ер денгизининг туризм жаннати саналган Анталияда барқарор саёҳат ва туризмни ривожлантириш ва тарғиб қилиш билан шуғулланадиган барча туризм манфаатдор томонларини бирлаштирди.
Истанбулдаги афсонавий Қиз қалъаси пухта қайта тиклаш ишлари ва бир қанча яхшиланишлардан сўнг Туркия Республикасининг 100 йиллиги муносабати билан ёдгорлик ва музей сифатида қайта очилди. Истанбулнинг Осиё томонида жойлашган Киз кулеси ёки Қиз қалъаси 2021 йилда Маданият ва туризм вазирлиги томонидан бошланган қайта таъмирлаш жараёнининг якунланиши билан яна ўз эшикларини очди.
Маданият ва туризм вазирлиги, Қашқадарё вилояти ҳокимлиги ва “Ўзтўқимачиликсаноат” уюшмаси томонидан жорий йилнинг 11-13 май кунлари Қашқадарё вилояти бўйлаб “Ethno and modern fashion week” халқаро фестивали ҳамда этноспорт ўйинлари, гастрономик фестиваль, миллий ҳунармандчилик ва заргарлик ярмаркаси ташкил этилади. Шу муносабат билан бугун махаллий ва хорижий журналисталар иштирокида матбуот анжумани бўлиб ўтди.
Европа мегалитик маданият йўналиши — Европа Кенгашининг маданий тармоқларидан бири бўлиб, у бетакрор табиат ва ўзига хос манзилларни мужассам этган, милоддан аввалги тош мажмуалар – ёдгорликлар, мақбаралар, қадимги жамоалар томонидан иншо этилган зиёратгоҳларни кўриш имконини беради ҳамда қадим ўтмишнинг ғайриоддий изларини ўзида акс эттиради. Туркиянинг машҳур тарихий маркази Гўбеклитепа ушбу маданий йўл тармоғига янги иштирокчи сифатида рўйхатга олинди.