Автомобил ва мототранспорт воситалари савдосини нотариусга бормасдан, онлайн тарзда расмийлаштириш имконияти жорий қилинди. Бу ҳақда Адлия вазири матбуот котиби Севара Ўринбоева хабар берди.
Мазкур шахснинг яшаш уйи текширилганда "Монте Кристо" тўппончаси ва яна бошқа жисмлар топилган. Давлат хавфсизлик хизматининг Самарқанд вилояти бўйича бошқармаси ходимлари томонидан Жомбой туманида ўтказилган тезкор тадбирда Тошкент шаҳрида яшовчи, 1977 йилда туғилган шахс харидорга 1 дона "Макаров" пистолети ва унинг 96 дона ўқ-дорисини 10 минг АҚШ долларига сотмоқчи бўлган вақтида ашёвий далиллар билан қўлга олинди. Шунингдек, унинг яшаш хонадонида ўтказилган тинтув ҳаракатлари давомида фойдаланишга яроқли деб топилган, калибри 5,6 мм бўлган эски русумдаги "Монте Кристо" тўппончаси, турли хил гильзалар, ов милтиғи қисмлари, ўткир тиғли жисмлар ҳамда бошқа ашёвий далиллар процессуал тартибда расмийлаштириб олинди.
Хитой автомобиль саноати ассоциацияси томонидан эълон қилинган маълумотларга кўра, 2023 йилда мамлакатда автомобиль ишлаб чиқариш 30,161 млн ва сотиш ва 30,094 млн донага етиб, мос равишда 11,6 фоизга ва 12 фоизга ўсади. Хитойнинг «Марказий халқ радиоси» хабар беришича, бир йил ичида ишлаб чиқариш ва сотиш рекорд даражага етган.
Жаҳон соғлиқни сақлаш ташкилоти COVID-19 га қарши вакциналар самарадорлиги юзасидан ўтказилган янги тадқиқот натижаларини эълон қилди. Ҳисоботда қайд этилишича, бундай эмлаш воситалари ташкилотнинг Европа минтақавий бюросига аъзо мамлакатларда қарийб 1,5 миллион кишининг ҳаётини сақлаб қолди.
“Хорижий давлатларда Ўзбекистон тарихи ва маданияти, ўзбек тили ва адабиётини ўрганишни кенг тарғиб қилиш орқали туристлар оқимини кўпайтириш ҳамда мамлакатимиз нуфузини янада оширишга доир қўшимча чора-тадбирлар тўғрисида”ги Президент қарори (ПҚ–19-сон, 12.01.2024 й.) қабул қилинди. Қарорга кўра: — хорижий давлатларда “Ўзбек академияси” (“Uzacademy”) интернет платформаси ташкил этилади; Платформа Ўзбекистон тарихи ва маданияти, ўзбек тили ва адабиётини замонавий ахборот технологияларидан фойдаланган ҳолда ўргатишни назарда тутади.
Юртимизнинг мавжуд ресурсларидан оқилона фойдаланган ҳолда экологик туризмни ривожлантириш учун янада қулай шароитлар яратилади. Бу ҳақда Давлатимиз раҳбарининг “Ўзбекистон Республикасида экологик туризмни жадал ривожлантириш чора-тадбирлари тўғрисида”ги қарорида алоҳида белгилаб қўйилган.
Жорий йилнинг 16 январь куни Давлат активларини бошқариш агентлигининг расмий веб-сайтида “Пахтакор футбол клуби” МЧЖнинг 100 фоиз давлат улуши бўйича оммавий савдо жараёнлари бошланганлиги тўғрисида эълон берилган эди. Агентлик жамоатчилик томонидан билдирилган фикрларни ўрганган ҳолда, “Пахтакор футбол клуби” МЧЖнинг 100 фоиз давлат улуши бўйича оммавий савдо жараёнлари вақтинчалик тўхтатилганлиги маълум қилди.
Сенаторлар Жиноят кодекси ва МЖтКдаги ИИО ҳақидаги моддага ўзгартириш ва қўшимчалар киритиш ҳақида ҳамда бошқаларни муҳокама қилади. 2024 йил Бугун, 18 январь куни бўлиб ўтган Олий Мажлис Сенати Кенгашининг навбатдаги мажлисида Сенатнинг қирқ тўққизинчи ялпи мажлисини 2024 йил 19 январь куни чақириш тўғрисида қарор қабул қилинди.
Жамоатчилик танқидидан сўнг Давактив агентлиги савдо жараёнлари вақтинчалик тўхтатилганини маълум қилди. Aввалроқ, 16 январь куни Давлат активларини бошқариш агентлигининг расмий веб-сайтида “Пахтакор футбол клуби” МЧЖнинг 100 фоиз давлат улуши бўйича оммавий савдо жараёнлари бошланганлиги тўғрисида эълон берилгани ҳақида хабар берилганди.
UFC собиқ чемпиони Даниэль Кормье Ҳабиб Нурмагомедов UFC’га қайтиши учун катта миқдордаги пулни рад этганини маълум қилди.“Ҳабиб билан суҳбатимизда у UFC’га қайтиши учун 40 миллион доллар таклиф қилингани, лекин у рад этганини айтганди.
“Халқаро шартномани тасдиқлаш тўғрисида”ги Президент қарори (ПҚ-27-сон, 17.01.2024 й.) қабул қилинди, дея хабар бермоқда Адлия вазирлиги. Қарорга кўра, Ўзбекистон ва Корея Республикаси Ҳукуматлари ўртасида Божхона ишларида ўзаро кўмаклашиш тўғрисидаги Битимга ўзгартириш киритиш тўғрисидаги баённома тасдиқланди.
“Республикага хорижий туристлар оқимини кескин ошириш ҳамда ички туризмни янада жадаллаштириш чора-тадбирлари тўғрисида”ги Президент Фармони (ПФ-9-сон, 12.01.2024 й.) қабул қилинди. Фармонга кўра қуйидагилар барпо қилинади: туризм салоҳияти юқори бўлган туман ва шаҳарларда замонавий меҳмонхоналар (жойлаштириш воситалари) ва майдони 5 минг квадрат метрдан ортиқ бўлган савдо-кўнгилочар мажмуаларидан иборат бўлган туризм марказлари; “Зомин” туристик-рекреацион зонаси, “Чимён” халқаро умуммавсумий курорти ва “Амирсой” тоғ-чанғи курорт зонаси ҳудудида бож олинмайдиган (“duty free”) ва йирик халқаро брендларнинг савдо дўконларидан иборат бўлган йирик савдо комплекслари (“Luxury tourism village”).
3 нафар аёллар фойдасига вояга етмаган 3 нафар фарзанди учун алимент тўламаган ота қамалди. Тошкент шаҳар Яшнобод туманида уч нафар хотинига фарзандлари таъминоти учун алимент тўламай юрган эркак ушланди.
Самарқанд вилоятида фаолият олиб бораётган ОАВ ходимлари учун 17-18 январь кунлари чуқурлаштирилган тиббий кўрик ташкил этилди. Тиббий кўрик вилоятнинг барча шаҳар ва туманларнинг тиббиёт бирлашмалари кўп тармоқли марказий поликлиникаларида ўтказилди.
Ташкил этилганлигига энди икки йил тўлаётган Самарқанд халқаро технология университети мамлакатимиздаги жаҳон миқёсида илм-фан ва таълим йўналишларида ўз иқтидорини, салоҳиятни кўрсата олган саноқли олий ўқув юртлари қаторига киради. Бу бежиз эмас, албатта.
Бокс бўйича аёллар ўртасидаги Миллатлар кубоги мусобақаси давом этади. Сербияда ўтаётган турнирнинг кечаги дастурида баҳс олиб борган Саидахон Раҳмонова словакиялик рақибасини 5:0 ҳисобида доғда қолдиришга эришди.
Тошкент вилояти Ангрен шаҳрида ҳожатхона ичидан чақалоқ топилгани ҳақида хабарлар тарқалди. Шаҳар ҳокимлиги мазкур хабарларга изоҳ берди.
Унга кўра, бекатларда махсус кўтарилиш пандуслари ва қулай зина тутқичлари ўрнатилади. Эндиликда 2024 йилдан бошлаб, ногиронлиги бўлган шахсларнинг тўсиқсиз ҳаракатланиши учун маданий мерос объектларида уларга шикаст етказмаган ҳолда пандус, плинтус ва лифтлар ҳамда кўзи ожизлар учун маданий мерос объектларининг кичрайтирилган ўлчамдаги макетлари ўрнатилади ва улар тўғрисида Брайль алифбосидаги маълумотлар жойлаштирилади.
Хоразм вилояти Шовот туманида дарахтлар аёвсиз ёқиб юборилгани айтилган хабар ижтимоий тармоқларга сиздирилди. Ушбу ҳолат юзасидан Хоразм вилояти Экология бошқармаси изоҳ берди.
“Ўзбекистон Республикасида экологик туризмни жадал ривожлантириш чора-тадбирлари тўғрисида”ги Президент қарори қабул қилинди. Қарорга кўра, давлат қўриқхоналари буфер зоналари, миллий табиат боғлари, питомниклар (қўриқхонага айлантирилган зоналар бундан мустасно), ўрмон ва ўрмон-ов хўжаликлари, тоғли ва чўл ҳудудлари ҳамда сув объектларининг сувни муҳофаза қилиш зоналарида жойлашган ер участкаларини комплекс туризм хизматларини йўлга қўйган ҳолда туристик кластерлар ташкил этиш учун тадбиркорларга ажратилади.
Ўзбекистонлик боксчи Баҳодир Жалолов 17 февраль куни Фьюри-Усик ўртасидаги жанг оқшомида рингга чиқиши маълум қилинганди. Жалоловга кубалик боксчи Луис Ортисга қарши жанг қилиши мумкин.
Улар ҳеч бир сабабсиз хизмат вазифасини бажараётган ходимларни қўпол сўзлар билан ҳақорат қилиб, видеога олишган. Қашқадарё ИИБ ЙҲХБ Матбуот хизматининг хабарига кўра, Косон туманида яшовчи 4 нафар эркаклар йўлдан ўтиб кетаётган ЙПХ ходимларининг автомашинасини видеога олиб, ходимларни турли сўзлар билан ҳақорат қилган ва уларнинг онасидан сўкиб, видеони Telegram'даги гуруҳга жўнатиб юборишган.
Халқаро молия ташкилотлари ҳисобидан амалга оширилаётган баъзи лойиҳаларнинг лойиҳа-смета ҳужжатлари ишлаб чиқилмагани ва тендер ўтказилмаганлиги учун маблағлар ишлатилмай қолмоқда. Давлат кафолати остида маблағ жалб қилинган айрим лойиҳаларда кечикиш, қўшиб ёзиш ва маблағларни талон-торож қилиш ҳолатлари ҳам бор.
Фармонга кўра, 2024 йил 1 мартдан 2026 йил 1 мартгача: тадбиркорлар томонидан Ўзбекистон ҳудудига олиб кириладиган ўхшаши республикада ишлаб чиқарилмайдиган қуйидаги товарлар божхона божлари тўланишидан озод этилади: ️меҳмонхона ва бошқа жойлаштириш воситалари, савдо-кўнгилочар мажмуаларини қуриш, реконструкция қилиш ва жиҳозлаш учун асбоб-ускуналар, техника, хомашё, бутловчи буюмлар ва эҳтиёт қисмлар, мебель ва инвентарлар, қурилиш материаллари ва бошқа материаллар; ️чўмилиш ҳавзалари (бассейн) ва аквапарклар учун мўлжалланган асбоб-ускуналар, жиҳозлар, турникетлар, тўлов-маълумот терминаллари, видеокузатув тизимлари, янги замонавий энергия тежовчи тизимлар, махсус сув тозалаш фильтрлари; ️туризм марказларида жойлашган заргарлик ва олтин маҳсулотлари чакана савдоси дўконлари фаолиятини ташкил қилиш учун керак бўладиган қурилиш (реконструкция ва модернизация қилиш) материаллари, асбоб-ускуналар ва технологиялар; Мўйноқ ва Зомин аэропортларига парвозлар амалга оширилганда 23 ёшгача бўлган ёшлар, ёшга доир пенсия ва нафақа олувчилар, ногиронлиги бўлган шахслар учун авиайўловчилар чипталарини сотиш 50 фоизлик имтиёзли тарифлар бўйича амалга оширилади ҳамда йўловчи ташувчи компанияларнинг ушбу имтиёз тақдим қилиш билан боғлиқ харажатлари бюджет ҳисобидан қоплаб берилади. Меҳмонхона ва туризм хизматларини кўрсатиш бўйича давлат активларини савдога чиқаришда харид тўловларини, миқдоридан қатъи назар, 5 йилгача бўлиб-бўлиб тўлаш имконияти назарда тутилади ҳамда 3 ойдан ортиқ муддат сотилмасдан турган активларнинг бошланғич баҳосини 30 фоизгача пасайтириш, зарур ҳолларда, баланс (қолдиқ) қийматида сотиш чоралари кўриб борилади.
Аввалроқ, улар қўлга олиниб, пластик карталардан 460 млн сўм пулларни ўғирлашгани аниқланганди. Тошкентда номаълум шахслар фуқаронинг пластик картасидан 460 млн сўм пулини ўғирлашгани ҳамда мазкур жиноятда айбланиб, икки шахс қўлга олингани ҳақида хабар бергандик. Тошкент шаҳар ИИББ хабарига кўра, олиб борилган суриштирувлар натижасида қўлга олинган шахслар бошқа фуқароларнинг шахсий маълумотларини қўлга киритиб, 832 млн сўм пулларни ечиб олишган.
Тошкентга қўниши керак бўлган аммо муқобил аэропортга қўйган Россия, Саудия Арабистони ва Қирғизистондан келган самолётлар бирин-кетин пойтахт аэропортига қўнишмоқда. Бир неча соат олдин Тошкентда қалин туман сабаб бир қатор самолётлар пойтахтдаги аэропортга кўнолмагани ва муқобил аэропортга йўналтирилгани ҳақида хабар берган эдик.
Экспортни кредитлашга 200 миллион доллар ресурс берилган. Бундан ташқари, бу йил экспортчиларни қўллаб-қувватлашга 800 миллиард сўм йўналтирилмоқда.
Сўнгги кунларда пойтахтда эрталаб ва кечқурун туман тушиши кузатилмоқда. Баъзилар ҳавонинг ифлосланиши чанг билан боғлиқ эканлигини айтмоқда.
Аввал хабар берганимиздек, айни пайтда Президент раислигида экспорт, инвестиция ва маҳаллий саноатда 2024 йилда турган вазифалар бўйича йиғилиш бўлиб ўтмоқда. Йиғилишда айрим корхоналаримизда халқаро сертификат йўқлиги учун глобал логистика занжирларига қўшила олмаётгани айтилди.
Ўзбекистон Республикаси Президентининг 2022 йил 8 апрелдаги ПФ-101-сон Фармони билан Европа тикланиш ва тараққиёт банки иштирокида давлат-хусусий шериклик шартлари асосида олий таълим муассасалари учун талабалар турар жойларини қуриш лойиҳасини амалга ошириш вазифаси белгиланган. Мазкур Фармонда белгиланган 18 000 ўринли талабалар турар жойлари қуриш лойиҳасини амалга ошириш вазифаси ижросини таъминлаш мақсадида, Европа тикланиш ва тараққиёт банкининг Давлат-хусусий шерикчилик бўйича консалтинг бўлими бошлиғи, директор ўринбосари Маркос Мартинез Гарциа ҳамда ушбу лойиҳа доирасида жалб этилган Rebel Group International bv. консалтинг компанияси раҳбари Rolf Dauskardtlar билан вазирлик биносида учрашув бўлиб ўтди. Бу ҳақда Олий таълим, фан ва инновациялар вазирлиги матбуот хизмати хабар қилди. Учрашувда Олий таълим, фан ва инновациялар вазири ўринбосари Сарвархон Бузрукхонов ва Иқтисодиёт ва молия вазирлиги масъул ходимлари иштирок этди.