Сербияда ўтаётган спорт курашлари бўйича жаҳон чемпионатининг ушбу куни Ўзбекистон терма жамоаси учун муваффақиятли якунланди. Унда ҳамюртимиз Жавраил Шапиев (-86 кг) Париж-2024 Олимпиадаси йўлланмасини қўлга киритди.
Саудия Арабистони мезбонлик қилаётган оғир атлетика бўйича катталар ўртасидаги жаҳон чемпионатининг бугунги дастурида ҳамюртимиз Рустам Жангабаев эркаклар ўртасида +109 кг вазн тоифасида «А» гуруҳ баҳсларида иштирок этиши белгиланган эди.Таъкидлаш керакки, Париж-2024 ёзги Олимпия ўйинлари йўлланмаси учун кураш олиб бораётган барча атлетлар Ар-Риёддаги мусобақада қатнашиши шарт этиб белгилангани туфайли, спортчимиз елкасидаги жароҳати билан бўлсада ушбу беллашувда иштирок этиш учун рўйхатдан ўтган эди.
Президент Шавкат Мирзиёев Нью-Йоркка етиб борди. Бир неча кун давом этадиган ташриф доирасида у БМТ Бош Ассамблеясининг 78-сессияси, АҚШ ва Марказий Осиё давлатлари раҳбарлари саммити ҳамда бошқа тадбирларда иштирок этади.
Хусусан, инвестициялар, саноат ва савдо вазири Лазиз Қудратов ушбу мамлакат савдо вазири ўринбосари, савдо вакили ўринбосари, Жаҳон банки вице-президенти билан учрашув ўтказди, йирик компаниялар раҳбарияти билан музокара олиб борди. Мулоқот чоғида Ўзбекистон учун GSP дастури бенефициар мақомини қайта тиклаш, мамлакатимизнинг ЖСТга аъзо бўлиши бўйича ишчи гуруҳнинг 7-йиғилишини ташкил қилиш масалалари кўриб чиқилди.
Тадбир ФАОнинг Ўзбекистонда яшил молиялаштириш механизмини қўллаб-қувватлашга қаратилган лойиҳаси доирасида ташкил этилди.Семинарда яшил иқтисодиёт дастурларини амалга ошириш билан шуғулланувчи давлат идоралари вакиллари, шунингдек, ушбу соҳадаги лойиҳаларни молиялаштирувчи Ўзбекистон банк сектори вакиллари иштирок этди. Яшил молиялаштириш – бу атроф-муҳитга салбий таъсирни камайтириш билан боғлиқ лойиҳаларни йўлга қўйиш.
Саудия Арабистонининг Ар-Риёд шаҳрида бўлиб ўтаётган оғир атлетика бўйича жаҳон чемпионатида ҳозиргина эркаклар ўртасида 109 кг. вазн тоифасида баҳслар якунига етди.
Профессионал бокснинг супер ўрта вазн (-76,2 кг) тоифаси вакили Бектемир Мелиқўзиев октябрь ойида навбатдаги жангини ўтказади.Мелиқўзиев 7-октябрь куни Лас-Вегас шаҳрида жойлашган “Cosmopolitan” аренасида бўлиб ўтадиган бокс оқшомида Алентез Фоксга (28-4-1, 13КО) қарши жанг қилади.
Зуфар Қурбонов ички ишлар вазирининг ахборот технологиялари бўйича ўринбосари этиб тайинланди.Президент қарорига кўра, Курбанов Зуфар Камилевич Ички ишлар вазирининг ахборот технологиялари бўйича ўринбосари лавозимига тайинланди.
АҚШ президентининг миллий хавфсизлик бўйича маслаҳатчиси Жейк Салливаннинг айтишича, Марказий Осиё ва АҚШ президентларининг бўлажак саммити «ҳеч бир давлатга қарши қаратилмаган». «Бу биз ишлашни истаган мамлакатлар билан ижобий кун тартиби ҳақида», деди у.
Жамият қабул қилмаган қарор нотўғри қарор — Мамаризо Нурмуратов. Аввалроқ, маҳаллий нашрлар томонидан Марказий банк тижорат банклари учун валюта операцияларига қўйиладиган талабларни кучайтираётгани, бу бўйича қарор регулятор раҳбарияти томонидан қабул қилингани ҳақида хабарлар тарқатилди.
Ёзма аризаларига асосан вилоят суди раислари лавозимидан озод этилди. Президент Шавкат Мирзиёевнинг тегишли фармойишига мувофиқ, ёзма аризаларига асосан вилоят суди раислари лавозимидан озод этилди.
Ўзбекистонда валюта операцияларига қўйилган янги чекловлар бекор қилинди, дея маълум қилди Марказий банк бошқарув раиси Мамаризо Нурмуратов. Аввалроқ тадбиркорлик субъектларининг валюта операциялари фақат асосий ҳисобварақ очилган банклар орқали амалга оширилиши талаби ҳақида ёзгандик.
Ғолиб бўлган ташаббусларга умумий ҳисобда қарийб 1,5 трлн сўм маблағ ажратилди. Мазкур мавсум доирасида республика бўйлаб 9 437 та маҳалла инфратузилмасини яхшилаш билан боғлиқ жами 49 464 та лойиҳалар илгари сурилган эди.
Марказий банк 2021 йилдан бери ўлчовли олтин қуймалари ва қимматбаҳо металлардан ясалган эсдалик тангалари савдоси тўғрисида маълумотлар берди. Марказий банк маълумотларига кўра, 2021–2023 йилларда Марказий банк томонидан 5 хил мавзуга бағишланган жами 3 550 тиражда олтин (умумий вазни – 72 кг, тангалар вазни – 15, 20, 31,1 грамм) ва 3 900 тиражда кумушдан (умумий вазни – 121 кг, тангалар вазни – 31,1 грамм) тайёрланган эсдалик тангалари сотувга чиқарилди.
Саудия Арабистонида ўтаётган оғир атлетика бўйича жаҳон чемпионатининг бугунги кунида Ўзбекистон терма жамоасининг юлдузлари иштирокидаги баҳсларга гувоҳ бўламиз. Унда жаҳон ва Олимпиада чемпионлари Руслан Нурудинов ҳамда Акбар Жўраев, шунингдек, яна бир жаҳон чемпиони Турсуной Жабборова супачага чиқишади.
Ҳудудлардаги газ таъминоти тизимида таъмирлаш ишлари олиб борилиши режалаштирилган. Тошкент шаҳар ҳокимлиги Матбуот хизмати бугун, Тошкентнинг айрим ҳудудларида газ таъминоти ўчирилишини маълум қилди.
Марказий банк сўнгги уч йил ичида Ўзбекистонда қанча олтин қуймалари ва эсдалик тангалари сотилганини эълон қилди. Бу даврда аҳоли томонидан 2 951 дона олтин ва 3 864 дона кумушдан тайёрланган эсдалик тангалари сотилган.
Маҳаллада қурилиш ишлари сабаб Ясен дарахтлари илдиз қисмлари билан кўчириб ташланди. Аввалроқ, ижтимоий тармоқларда Қўқон шаҳар “Олтин водий” МФЙ Мовароуннаҳр кўчасида яшил майдони йўқ қилиб, дарахтлар кесиб юборилгани ҳақида хабарлар тарқалди.
Мутахассисларнинг фикрича, инфратузилма жуда эскирган. Энергетика саноатини янада модернизация қилиш ва яна бир тўхтаб қолишнинг олдини олиш учун қўшимча молиявий ресурслар зарур.
Европа Иттифоқи, Франция, Германия, Буюк Британия ва АҚШ дипломатик ваколатхоналари вакиллари «Ҳақиқат, тараққиёт ва бирдамлик» партиясини тузишга ҳаракат қилган Хидирназар Аллақулов билан учрашиб, «Ўзбекистондаги сиёсий партияларни рўйхатга олиш жараёнини муҳокама қилди».Европа Иттифоқи давлатлари, Буюк Британия ва АҚШ вакиллари «Ҳақиқат, тараққиёт ва бирдамлик» партиясини тузишга ҳаракат қилган Хидирназар Аллақулов билан учрашди.
Марказий Осиёда сув ресурслари тақчиллиги ва ундан самарасиз фойдаланиш муаммолари узоқ муддатга мўлжалланган янги қарорларни ишлаб чиқиш ва амалга оширишни талаб этмоқда, деди Ўзбекистон президенти Душанбеда бўлиб ўтган Оролни қутқариш жамғармаси саммитида.Марказий Осиёда сув тақчиллиги муаммоси ўткир ва муқаррар тус олди ҳамда бундан буён у тобора чуқурлашиб бораверади.
Марказий банк ижтимоий тармоқда тарқалган банклар автокредитга "ёпишиб олгани" ҳақидаги хабар юзасидан тушунтириш берди. Куни кеча ижтимоий тармоқда автокредит учун талаб кучайтирилгани, тижорат банклари кредит портфелининг 25 фоизидан ошмаслиги кераклиги ҳақида хабарлар тарқалганди.
Тожикистоннинг Душанбе шаҳрида Марказий Осиё мамлакатлари етакчи аёллари мулоқоти бўлди. Унда иқлим ўзгариши шароитида гендер тенглигига эришиш муҳокама этилиб, бу масалада халқаро молия институтлари инвестицияларини жалб қилиш таклифи билдирилди.
Аниқланишича, 28 ёшли эркак қизча билан қўшни бўлган. Уни ўйинчоқ билан алдаб, зўрлаган.
Экспертларнинг фикрича, энергетика нархларига бозор қонунларини жалб қилиш керак. Тежалган маблағни тизимни чуқур модернизация қилишга сарфлаш мумкин.
2022 йил охиридан бери Қорақалпоғистон транспорт вазири сифатида ишлаб келаётган Маманбий Омаров Ўзбекистон транспорт вазирининг биринчи ўринбосари этиб тайинланди.Президентнинг 12 сентябрдаги қарори билан Маманбий Аллабергенович Омаров Ўзбекистон транспорт вазирининг биринчи ўринбосари лавозимига тайинланди.
Россия Федерацияси Доғистон Республикаси Каспийск шаҳрида "М.Умаханов хотирасига бағишланган XXII анъанавий турнир" давом этмоқда. Ҳозирча мусобақа доирасида саралаш беллашувлари ортда қолди.
Муҳташам қирғоқ чизиғи, соҳил бўйида жойлашган севимли шаҳарчалари, гўзал табиат манзаралари ва қадимий шаҳарлари билан Эгейнинг қалби бўлган Измир, 2023 EuroVelo (Европа Велосипед Йўналишлари Тармоғи) ва Велосипед Туризми Конференцияси учун кун санамоқда. EuroVelo & Велосипед Туризми Конференцияси 2023 йил 11-13 октябрь кунлари Туркиянинг энг экологик тоза шаҳарларидан бири бўлган Измирда бўлиб ўтади.
Санэпидқўмита мазкур ҳолат тафсилотларини очиқлади. Аввалроқ, Тошкент вилоятида 18 нафар боғча тарбияланувчиси диарея билан касалхонага ётқизилгани ва ҳолат назоратга олингани ҳақида хабар берган эдик. Ушбу ҳолат юзасидан СанэпидқўмитаАхборот хизмати расмий ахборот берди. Маълум бўлишича, Ангрен шаҳар шифохонасининг юқумли касалликлар бўлимига жорий йилнинг 13 сентябрь куни соат 14:00 дан бошлаб, 14 сентябрь куни соат 21:00 га қадар шаҳардаги 10-сонли ДМТТда тарбияланаётган болалар кўнгил айниши, қайт қилиш, тана ҳарорати кўтарилиши, тез-тез ич келиши каби шикоятлар билан мурожаат қилган. Улардан 24 нафари "Овқатдан заҳарланиш ёки ошқозон фаолиятининг функционал бузилиши" бирламчи ташхиси билан ётқизилган.
Ўзбекистон президенти йўл-транспорт ҳодисалари сонини камайтириш юзасидан таклифлар ишлаб чиқиш ҳамда уларга тез-тез тирбандлик ва авариялар кузатиладиган йўлларда «светофорсиз эстакадалар» қуришни ўз ичига олган уч йиллик дастурни киритиш бўйича топшириқ берди.Ўзбекистон президенти Шавкат Мирзиёев 12 сентябрь куни бўлиб ўтган йиғилишда йўл-транспорт ҳодисалари сонини камайтириш чора-тадбирларини назарда тутувчи қарор лойиҳасини ишлаб чиқиш бўйича топшириқ берди.