Маҳоратли боксчимиз Баҳодир Жалолов Париж-2024 ёзги Олимпия ўйинлари доирасида бугунги финал жангларига ажойиб нуқта қўйди. Энг оғир вазн тоифасида иштирок этган ҳамюртимиз чемпионлик жангида испаниялик Аюб Ғадфани ўзининг кучли ва аниқ зарбалари олдида ожиз қолдирди.
Париж олимпиадасида Ўзбекистон делегацияси ҳисобига яна бир кумуш медаль қўшилди. Таэквондонинг аёллар ўртасида 67 килодан оғир вазнда финалгача етиб келган Светлана Осипова финал жангини ўтказди.
Тарих ёзишда давом этамиз. Бокс бўйича Ўзбекистон терма жамоаси аъзоси, жаҳон чемпиони Абдумалик Халоков совринлари орасига ёзги Олимпия ўйинларининг олтин медалини ҳам қўшиб қўймоқда.
Яна бир оғир атлетикачимиз Ригина Адашбаева Париж-2024 ёзги Олимпия ўйинларидаги иштирокини якунлади. -81 кг вазн тоифасида иштирок этган юртдошимиз даст кўтаришда 105, силтаб кўтаришда 131 ва икки курашда 236 кг натижа кўрсатди.
Эркин курашчимиз Разамбек Жамалов Париж-2024 олимпиадаси финалида япониялик Даичи Такатанини мағлубиятга учратишга муваффақ бўлди. Беллашув видеосини қуйида томоша қилишингиз мумкин.
+80 кг вазн тоифасидаги таэквондочимиз ўтиш босқичида вазннинг иккинчи рақамли спортчиси сифатида таснифланган мексикалик Карлос Сансоресга қарши даянга чиқди.Беллашув 1:2 (2:1, 0:2, 0:1) ҳисобида мексикалик спортчи фойдасига якунланди.
Ўзбекистон делегацияси ҳисобида олтинчи олтин медаль. Мазкур медалга эркин курашчимиз Разамбек Жамалов муаллифлик қилди.
Париж олимпиадасининг таэквондо мусобақаси эркаклар ўртасидаги 80+ кг. вазн тоифасида иштирок этаётган Никита Рафалович илк босқичдаёқ ютқазиб қўйганди.
Париж олимпиадасининг таэквондо мусобақаси аёллар ўртасидаги 67+ кг. вазн тоифасида иштирок этаётган Светлана Осипова финал йўлланмасини қўлга киритди.
Бадиий гимнастикачиларимиз ҳам Париж-2024 ёзги Олимпия ўйинларидаги иштирокларини якунлашди. Гуруҳ машқининг кўпкураш дастурида биринчи бор финалда иштирок этган қизларимиз 64.500 балл жамғаришга муваффақ бўлдилар.
Бугун Президент Шавкат Мирзиёев Париждаги ёзги Олимпия ўйинларида Ўзбекистон спорт делегациясига навбатдаги 2 та олтин медални келтирган ва уларнинг сони бўйича рекорд кўрсаткичга эришилишига ҳисса қўшган спортчиларимиз - боксчилар Асадхўжа Мўйдинхўжаев ва Лазизбек Муллажонов билан телефон орқали суҳбатлашди. Бокс бўйича Ўзбекистон дунёда тенгсиз эканини яна бир карра исботлаганингиз учун миннатдорлик билдириб, табрикламоқчиман.
Таеквондо WТ бўйича Ўзбекистон терма жамоаси аъзоси Светлана Осипова Париж-2024 ёзги Олимпия ўйинларининг ярим финалига йўлланма олди. Ҳамюртимиз чорак финалда жаҳон чемпионатларининг икки карра совриндори буюк британиялик Ребекка Макгинни мағлубиятга учратишга эришди.
Замонавий бешкураш бўйича Ўзбекистон терма жамоаси аъзоси Алисе Фахрутдинова учун жорий Олимпиада якунланди. Ярим финалнинг Б гуруҳида қатнашган юртдошимиз 1305 балл билан 15-натижани қайд этди.
Руминиялик спортчи Каталина Аксенте Париждаги Олимпиададаги кураш мусобақасида жиддий жароҳат олди. 76 килограммгача бўлган вазн тоифасидаги 1/8 финал баҳсида америкалик Кеннеди Блейдсга қарши баҳсда Аксенте америкаликнинг усулидан кейин бўйни билан ерга тушиб, ўрнидан туролмай қолди.
Бироз олдин оғир атлетикачимиз Акбар Жўраев (102 кг) Париж Олимпиадасида кумуш медалга эга чиққан эди. Бу ўзбекистонлик спортчиларнинг Олимпиадалар тарихидаги еттинчи кумуш медалига айланди.
Оғир атлетиканинг 109 кг. вазн тоифасида Токио-2020 олимпиадаси чемпиони Акбар Жўраев Париждаги турнирда янги вазнда (102 кг.) кумуш медаль соҳибига айланди.
Таэквондо бўйича Ўзбекистон терма жамоаси аъзоси Светлана Осипова дастлабки жангини муваффақиятли ўтказди. Кот д'Ивуарлик Астан Батили билан беллашган ҳамюртимиз 2:1 ҳисобида ғалаба қозониб, чорак финалга йўлланма олди.
Оғир атлетиканинг 109 кг. вазн тоифасида Токио-2020 олимпиадаси чемпиони Акбар Жўраев Париждаги турнирда янги вазнда (102 кг.) ўз иштирокини бошлади.
Мусобақаларнинг сўнгги кунида бир қатор спорт турларидан финал баҳслари ўтказилаётган бўлса, марафон югуриш бўйича ғолиблар ҳам аниқланди. 1. Тамират Тола (Эфиопия) – 2.06,26 (олимпия рекорди) 2. Башир Абди (Бельгия) – 2.06,47 3. Бенсон Кипруто (Кения) – 2.07,00
Франция мезбонлигида ўтаётган Олимпиада ўйинларида бугун футбол спорт тури бўйича олтин ва кумуш медал эгалари аниқланади. Кеча эркаклар ўртасидаги финалда Испания Францияни мағлуб этган бўлса (5:3), бугун аёллар ўртасидаги финалда Бразилия АҚШга қарши тўқнаш келади.
Имане Хелиф Париж Олимпиадасида 66 кг вазн тоифасида олтин медални қўлга киритди. Финалда у хитойлик Янг Лиуни якдил қарор билан мағлуб этди (5:0).
Ёзги Олимпия ўйинларида медаллар учун курашаётган мамлакатлар орасида АҚШ ва Хитой спортчиларининг кураши сўнгги кунгача давом этиши тобора ойдинлашиб бормоқда. Бугунгача ўтган мусобақалар сарҳисобига кўра, давлатлар жадвалини АҚШ спортчилари 33 та олтин, 39 та кумуш, 39 та бронза, жами 111 та медаль билан бошқариб келаётган бўлса, Хитой олимпиячилари 33 та олтин, 27 та кумуш, 23 та бронза, жами 83 та медаль билан океан орти вакилларини таъқиб этмоқда.
Суперлигада 15-тур баҳслари старт олди. «Локомотив» жамоаси бу турда «Олимпик» билан куч синашди ва 1:1 ҳисобида дуранг ўйнади.
Париж олимпиадаси ўз якунига яқинлашмоқда. Бугун спортнинг етти тури бўйича 9 нафар ҳамюртимиз баҳсларда иштирок этади.
Бокс бўйича Ўзбекистон терма жамоаси аъзоси Лазизбек Мулложонов Олимпия ўйинлари чемпионлигини қўлга киритди. Муросасиз руҳда ўтган финал жангида юртдошимиз озарбайжонлик Альфонсо Домингесни мағлубиятга учратишга муваффақ бўлди.
Бокс бўйича Ўзбекистон терма жамоаси аъзоси Асадхўжа Мўйдинхўжаев -71 кг вазн тоифасида Олимпия ўйинлари чемпионлигини қўлга киритди. Муросасиз руҳда ўтган финал жангида юртдошимиз мексикалик Марко Алваресни мағлубиятга учратишга муваффақ бўлди.
Таеквондочимиз Озода Собиржонова Париж-2024 ёзги Олимпия ўйинларининг бронза медали учун даянга чиқди. -67 кг вазн тоифасида иштирок этган юртдошимиз белгиялик Сара Чарига имкониятни бой берди ва шу нуқтада иштирокини якунлади.
Францияда давом этаётган Олимпиада ўйинларида футбол спорт туридан баҳслар якунланди. Финалда мезбонлар Франция Испанияга қарши майдонга чиқди.
Эркин курашчимиз Жавраил Шапиев -86 кг вазн тоифасининг бронза медали учун кураш олиб борди. Америкалик номдор Арон Брукс билан беллашган ҳамюртимиз муросасиз баҳсда имкониятни бой берди ва Олимпия ўйинларини кучли бешликда тугатди.
Эркин курашчимиз Жавраил Шапиев -86 кг вазн тоифасининг бронза медали учун кураш олиб борди. Америкалик номдор Арон Брукс билан беллашган ҳамюртимиз муросасиз баҳсда имкониятни бой берди ва Олимпия ўйинларини кучли бешликда тугатди.