YTTB O‘zbekistonda mis quvur ishlab chiqarishni moliyalashtirish uchun 10 million yevro ajratadi
Yevropa Tiklanish va Taraqqiyot Banki (YTTB) O‘zbekistonda yangi tashkil etilgan MaxCopper kompaniyasiga ishlab chiqarish faoliyatini yo‘lga qo‘yish va kengaytirish uchun aylanma mablag‘ ehtiyojlarini moliyalashtirish maqsadida 10 million yevrogacha kredit ajratmoqda. Mablag‘lar, shuningdek, mis katodlari kabi xomashyo xarid qilish uchun ham ishlatiladi.
MaxCopper asosan isitish, ventilyatsiya va konditsioner tizimlari uchun mo’ljallangan mis quvurlar hamda fitinglarni ishlab chiqaradi. Kompaniya turli xil mis quvur mahsulotlari, jumladan, yengil rulonlar, to‘g‘ri quvurlar va tekis rulonlarini (pancake coil) ishlab chiqaradi va mahsulotning asosiy qismini Yevropa va qo‘shni bozorlarga eksport qilishni rejalashtirmoqda.
Ushbu loyiha O‘zbekistonda yangi mis quvur ishlab chiqarish korxonasini rivojlantirishga ko‘maklashadi va mamlakat sanoat bazasini diversifikatsiya qilishida muhim qadam bo‘ladi. Yangi tashkil etilgan xususiy korxona sifatida, MaxCopper sohada zamonaviy ishlab chiqarish texnologiyalari va xalqaro sifat standartlarini joriy etadi.
YTTB bugungi kungacha O‘zbekistonda 193 ta loyiha doirasida 5,57 milliard yevro sarmoya kiritgan bo‘lib, ushbu mablag‘larning aksariyati xususiy tadbirkorlikni qo‘llab-quvvatlashga yo‘naltirilgan va mamlakat iqtisodiy rivojiga hissa qo‘shmoqda.